Daniel 5:28 - Manobo Western Bukidnon OT

²⁸ Is Parsin, iyan kehuluǥan din is egkevahin is ginhedian nu ne imbeǥey ziyà te Media wey Persia.”

Daniel 5:28 ပူးပေါင်းရင်းမြစ်များ

2 Cronica 36:23

Iyan heini pehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebpehitindeg te valey zin diyà te Jerusalem he sakup te Juda. Sikiyu is langun he menge etew te Megbevayà, ne ulì kew ziyà te tanè niw. Ne verakat he zumahi kew zin.”

Isaias 13:17

Pemineg kew! Ibpesurung ku is menge tig-Babilonia te menge tig-Media he kenà ebpevayad te pelata wey vulawan.

Isaias 21:2

Nekelawas a te mekahandekhandek mehitenged te kedluib wey kebpendezaat. Sikiyu is menge tig-Elam wey menge tig-Media, liǥuwi niw is Babilonia ne surunga niw. Edhimesazen te Megbevayà is kebpeentusa zin te zuma he menge nasyun.

Isaias 47:11

Umbe, ebpekeuma ziyà te kenikew is kezeetan ne kenè nu egketuenan ke ebmenmenuwen nu te edsegseg pinaaǥi te kegkeselemengkiru nu. Ebpekeuma ziyà te kenikew is kezeetan he kenà egkehimu he ebayad ka para med-engked. Ebpeketik-ew ebpekeuma ziyà te kenikew is kezeetan he wazè nu isipa.

Jeremias 25:13

Ibpeǥezaman ku ziyà te nasyun dan is langun he migkaǥi ku he ebpekesuǥat kandan wey is langun he nekaǥi ni Jeremias he ebpekesuǥat te zuma he menge nasyun he ingkesurat kayi te libru.

Jeremias 51:28

Ipepengandam niw te kedsurung diyà te Babilonia is menge hadì diyà te Media, duma te menge perezumala wey menge upisyal, wey is menge etew ziyà te langun he menge nasyun he nesakup dan.

Daniel 2:32

Is ulu kayi, ne pudu vulawan ne pelata is kumeng din wey menge velad din, ne puun te getek pehendiyà te menge vuvun din ne brunsi.

Daniel 2:39

“Is ebpekesunud te kenikew he ginhedian ne meluya te kenikew he ginhedian. Is iketelu he ginhedian ne iyan is impetug-iring te brunsi he kevahin dutun te ledawan, ne egkezizalem te ǥehem kayi he ginhedian is tivuuk he kelibutan.

Daniel 5:31

Is mid-ilis kandin te kedhadì ne iyan si Darius he Midianhen, he 62 he tuig is keǥurang din dutun he timpu.

Daniel 6:28

Mibmeuswaǥen si Daniel zutun te kedhadì ni Darius wey ni Cyrus he Pirsyahanen.

Daniel 6:8

Umbe, Mahal he Hadì, ibpetuman heini he suǥù. Ipesurat nu en heini ne segugunè nu pirmahi su para kenè en mahalin wey kenè en meveyveyani; iiring nu te kesuǥuan te ginhedian te Media wey Persia he kinahanglan utew he edtumanen.”

Daniel 8:20

Sikan is kerehidu he zezuwa is sungey zin, ne iyan ibpaalung dutun is menge ginhedian te Media wey Persia.

Daniel 9:1

Si Darius he Midianhen he anak ni Ahasuerus, iyan hadì dutun he timpu ziyà te tivuuk he Babilonia. Te nehuna he tuig te kedhadì din, netuenan ku ziyà te insurat he lalag te Megbevayà he kenà egkevangun is nevengkag he inged he Jerusalem seled te 70 he tuig, su iyan heini nekaǥi te Nengazen diyà te mibpenaub din he si Jeremias.