Daniel 5:20 - Manobo Western Bukidnon OT

²⁰ Piru geina te mebpagalbu wey mibpelavew sikandin, impaawà sikandin te kegkahadì

Daniel 5:20 ပူးပေါင်းရင်းမြစ်များ

2 Hadì 17:14

Piru kenà sikandan edtuman. Utew sikandan mesinupaken; iring sikandan te menge kepuun dan he wazà medsarig te Nengazen he Megbevayè dan.

2 Cronica 32:25

Piru mebpagalbu si Hezekia ne wazè din beliya is keupiya he impaahà te Nengazen kandin. Umbe nepeukan sikandin te Nengazen wey is menge tig-Juda wey menge tig-Jerusalem.

2 Cronica 36:13

Nekidsukulà daan sikandin ki Hadì Nebucadnezar, minsan pa te impepenangdù din sikandin pinaaǥi te ngazan te Megbevayà he kenà sikandin medluib kandin. Utew mesinupaken si Zedekia. Kenà sikandin edlikù diyà te Nengazen he Megbevayà te Israel.

Exodus 18:11

Guntaan, netuenan ku en he utew lavew he gemhanan is Nengazen kenà te langun he ed-ezapen, su midlibri zin is menge Israilihanen te kedèdaaǥa kandan te menge Ehiptohanen.”

Exodus 9:17

Piru kemulu nu egkuntedaha is menge etew ku, wey kenè nu sikandan edtuǥutan te kegenat.

Exodus 9:7

Ne zuen impesusi te hadì te Ehipto he menge etew ke zuen be nemematey te uyaǥen te menge Israilihanen. Piru minsan ke netuenan din en he tutuu heini, iyan, wazà mahalin is gehinawa zin, ne wazè din gihapun tuǥuti te kegenat is menge Israilihanen.

Erubasa 16:18

Is kebpelavew wey kegkemesinupaken, edrimeǥas te kezeetan.

Erubasa 16:5

Egkeepesan te Nengazen is menge mepelevawen, ne siguradu edsilutan din sikandan.

Isaias 47:1

Migkaǥi is Nengazen te, “Pinuu ka ziyà te tanà, Babilonia. Pinuu ka he wazè nu pinuuwà te kedhadì. Sikew is iring te vahi he wazè pa mehileveti kenè ke en edtewaǥen he mezagwey etawa meredtan.

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 19:15

“Pemineg kew, su iyan heini migkaǥi te Nengazen he Mekeǥeǥehem, he Megbevayà te Israel: Ibpaaǥi ku kayi he inged wey ziyà te menge inged he nekeelingkus kayi is kezeetan he nekaǥi ku he idezaat kandan, geina te utew sikandan mesinupaken ne wazè dan mebpemineg te menge lalag ku.”

Jeremias 48:18

“Sikiyu is menge meǥinged diyà te Dibon, pekevavè kew ne lumpeng kew ziyà te tanà. Su is edezaat te Moab edsurung daan diyà te keniyu; ebengkaǥen dan is menge inged niw he mibpeliǥuyan te verengbeng.

Ezekiel 30:6

Iyan a, is Nengazen he MEGBEVAYÀ migkaǥi he egkezeetan iyan is diyà te menge nasyun he nekidsevaha te Ehipto, ne egkaawà is gehem he impehivantug te menge Ehiptohanen. Egkeǥerà is meǥinged kayi puun te Migdol pehendiyà te Aswan.

Ezekiel 31:10

Umbe ǥuntaan, migkaǥi is Nengazen he MEGBEVAYÀ te, “Tenged te impemetikang kayi he kayu is keugelingen din wey kerapung te menge subpang din, wey tenged te kebpegalbu zin,

Daniel 11:36

“Ebeelan duen te hadì diyà te zizaya is minsan hengkey he egkesuatan din te ebaal. Ed-isipen din he iyan sikandin lavew te langun he ebpen-ezapen, ne edsumpeliten din is Megbevayà he iyan lavew te langun he ebpen-ezapen. Ebmelempusen sikandin taman dà te timpu te kebpezayaǥa te Megbevayà te pauk din, ne egkeulaula heini su kinahanglan he egkengehitavù is imbanglis te Megbevayà is kegkeul-ulaha zuen.

Daniel 4:26

Ne vahin duen te migkaǥi te velinsuǥuen he ebey-anan is tued, ebpesavut haazà he idlikù diyà te kenikew is ginhedian nu emun egkilelaan nu he iyan is Megbevayà edhadì te langun.

Daniel 4:28

Is langun kayi neulaula ziyà te ki Hadì Nebucadnezar.

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Daniel 8:8

Ne mid-iseg pa is kegkemekeǥeǥehem duen te kambing. Ne hein utew en sikandin mekeǥeǥehem, nerupù sikan is sungey zin. Piru midtuvuan haazà is nerupuan te heepat he nekeviza he menge sungey he ebpeketezù diyà te nekedseselekawà he vahin te kelibutan.

1 Samuel 6:6

Umbe, kenè niw ipemezesen is gehinawa niw iring te mid-ulaula te menge Ehiptohanen wey kes hadì dan. Wey zan en ipehipanew kes menge Israilihanen hein impaantus dan en utew te Megbevayà.