Daniel 5:19 - Manobo Western Bukidnon OT

¹⁹ Ne tenged te gehem he imbeǥey kandin te Megbevayà, igkikinehendekà sikandin te menge etew ziyà te nekedseselekawà he menge nasyun, menge kepuun, wey menge kineǥiyan. Egkehimu zin te edhimatey is minsan hentei he egkesuatan din te edhimatey. Ne egkehimu zin daan he kenà mehimetayi is minsan hentei he egkesuatan din he kenà mehimetayi. Igkepeketikang din is ketengdanan te etew he egkesuatan din te ebpeketikang; ne ibpekemevavè din is ketengdanan te etew he egkesuatan din te ebpekevavà.

Daniel 5:19 ပူးပေါင်းရင်းမြစ်များ

2 Hadì 25:28

Mibpurungan din si Jehoyakin, ne impelavew zin si Jehoyakin te zuma he menge hadì he mibihag daan diyà te Babilonia.

Erubasa 16:14

Dekelà is keǥehem te hadì umbe emun egkepauk sikandin egkehimu he edhimetayan din is egkepeukan din, ne iyan ebpekepayùpayù kandin is etew he metau.

Megwewali 8:3

Kenè nu pesegdana is ketengdanan nu ziyà te hadì, ne kenè ka medtampu te menge etew he ebpelanu ebaal te mezaat diyà te hadì, su egkehimu te hadì is minsan hengkey he egkesuatan din.

Ezekiel 31:11

ibeǥey ku heini ziyà te nasyun he lavew he mekeǥeǥehem te zuma he menge nasyun he siguradu he edsilut kandin te sungkad te kelelalung din. Uya, idselikwey ku sikandin;

Daniel 11:12

Ne tenged te kebpekezaag din, ebpegalbu sikandin wey mahabet is ebpenhimetayan din, piru kenà ebpedayun is kegkemezeeǥen din.

Daniel 11:16

Umbe, ebeelan en duen te hadì diyà te zizaya is minsan hengkey he egkesuatan din te ebaal, ne wazè en ebpekezawey kandin. Edsekupen din is menge meǥinged diyà te mekempet he tanè he Israel ne ebpepurung sikandan ebpezizalem te ǥehem din.

Daniel 11:3

Ne zuen selakew en he egkehimu he mekeǥeǥehem he hadì. Ne mahabet he menge nasyun is edsekupen din, ne ebeelan din is egkesuatan din te ebaal.

Daniel 11:36

“Ebeelan duen te hadì diyà te zizaya is minsan hengkey he egkesuatan din te ebaal. Ed-isipen din he iyan sikandin lavew te langun he ebpen-ezapen, ne edsumpeliten din is Megbevayà he iyan lavew te langun he ebpen-ezapen. Ebmelempusen sikandin taman dà te timpu te kebpezayaǥa te Megbevayà te pauk din, ne egkeulaula heini su kinahanglan he egkengehitavù is imbanglis te Megbevayà is kegkeul-ulaha zuen.

Daniel 3:29

Umbe, ebmandù a he is minsan hentei he etew ziyà te minsan hendei he nasyun, minsan hengkey he kelasi te etew, minsan hengkey he kineǥiyan he emun duen egkaǥi te lalag he ebpekekuntada te Megbevayà eni Shadrac, Meshac, wey Abednego ne ebpemisangen wey edrundusen is baley zin. Su wazè en duma he Megbevayà he ebpekehimu he edlibri te iring kayi he paaǥi.”

Daniel 3:4

ingkulahì te menunudtulà is lalag he edhenduen te, “Sikiyu is ebpemuun diyà te nekedseselekawà he menge nasyun, menge kepuun, wey menge kineǥiyan,

Daniel 3:6

Is minsan hentei he kenà ed-azap, idtimbag diyà te egkiràkirà he rapug.”

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 4:19

Neipeng wey nahandek si Daniel (he egngenazan daan te Belteshazar) te kegkezineǥa zin dutun te lalag te hadì. Umbe migkeǥiyan sikandin dutun te hadì te, “Belteshazar, kenè ka meipeng tenged te teǥeinep ku wey kehuluǥan din.” Ne midtavak si Belteshazar te, “Mahal he Hadì, meupiya pezem ke is teǥeinep nu wey is kehuluǥen din, ne ziyà egkehitavù te menge kuntada nu ne kenà diyà te kenikew.

Daniel 4:22

Mahal he Hadì, iyan ka haazà is kayu. Su nehimu ka he mekeǥeǥehem ne iring te nekeume en diyà te langit is kegkemekeǥeǥehem nu, ne is kedhadì nu nekeuma ziyà te minsan hendei kayi te kelibutan.”

Habakuk 2:5

Benar iyan, kenà egkeseriǥan is ketiǥeyunan. Ne sikan is mepelavawen he menge etew he zekelà is kadar zan te ketiǥeyunan, ne kenà mevented wey kenè dan egkekuntintu. Iring sikandan te kemetayen he kenà egkeperahan. Ne iyan heeyan imbihaǥa zan te menge etew ziyà te mahabet he menge nasyun.