Daniel 5:11 - Manobo Western Bukidnon OT

¹¹ su zuen sevaha he etew kayi te ginhedian nu he ziyà te kandin is mulin-ulin te waǥas he menge ed-ezapen. Te timpu te kedhadì te amey nu he si Hadì Nebucadnezar, impaahà kayi he etew is ketau zin he iring te ketau te menge ed-ezapen. Midhimu sikandin te amey nu he pengulu te menge selemengkiru, menge veyilan, menge menenagnà, wey menge mengingingkuris.

Daniel 5:11 ပူးပေါင်းရင်းမြစ်များ

Genesis 41:38

Ne migkaǥi haazà is hadì diyà te menge upisyal zin te, “Wazè en duma pa he egkeehè tew he iring ki Jose su mid-ulinan iyan sikandin te Megbevayà.”

2 Samuel 14:17

Umbe ǥuntaan is egkeǥiyen nu ne iyan ebpekeveǥey kedì te kelinew su iring ka te velinsuǥuen te Megbevayà su netau ka te meupiya wey mezaat. Berakat he zumahi ka te Nengazen he Megbevayè nu.”

Ezekiel 28:3

Egkeisip nu he edhuna ke pa he metau ki Daniel, ne wazà id-eles he kenè nu egketuenan.

Ezekiel 28:4

Pinaaǥi te ketau nu wey keuluwanen midsepian ka wey neketiǥum ka te mahabet he menge vulawan wey pelata ziyà te teleǥuey nu te ketiǥeyunan nu.

Daniel 1:4

Heini sikandan, kinahanglan he menge mezagwey, meupiya is kedlelawa, memetau, elistu, wey melumu he ebpenuruen su para zait sikandan he ebpenilbi te hadì. Midsuǥù din daan si Ashpenaz he penurua zin sikandan te kineǥiyan wey belesahan te tig-Babilonia.

Daniel 2:11

Utew mereǥen is ebpeveelan nu kenami, Mahal he Hadì. Menge ed-ezapen dà is ebpekehimu keniyan, piru wazè man sikandan med-amur te menge etew.”

Daniel 2:22

Ibpezayag din is mezalem wey ebpemekeeles. Diyà te kandin is kerayag, ne egketuenan din ke hengkey is diyà te merusirem.

Daniel 4:18

“Ne iyan haazà, Belteshazar teǥeinep ku. Umbe, siak si Hadì Nebucadnezar, egkeǥiyen ku kenikew te, ‘Iseysey nu kedì is kehuluǥan kayi su wazà minsan sevaha zuen te menge uluwanen kayi te ginhedian ku he ebpekeseysey te kehuluǥan kayi. Piru igkeseysey nu mulà heini su ziyà te kenikew is mulin-ulin te waǥas he menge ed-ezapen.’ ”

Daniel 4:5

Piru zuen ku teǥeinep he ingkahandek ku wey ingkesemuki ku.

Daniel 4:6

Umbe, mibmandù a he zumaha kayi te kediey is langun he memetau kayi te Babilonia su para meseysey zan kayi te kedì is kehuluǥan kayi te teǥeinep ku.

Daniel 5:14

Netudtulan a he ziyà te kenikew is mulin-ulin te menge ed-ezapen ne zuen nu nekeviza he abilidad wey ketau.

Daniel 5:7

Umbe, nekepengulahì sikandin is edsuǥù he umawa is uluwanen he menge etew ziyà te Babilonia: is menge selemengkiru, menge menenagnà, wey menge mengingingkuris. Ne kebpekeuma zan, migkaǥi sikandin diyà te kandan te, “Is minsan hentei he ebpekevasa te nekesurat keniyan te elavat wey ebpekeseysey te kehuluǥan din, ne ebpevistiyan ku te visti te hadì wey ebpevelieǥan ku te vulawan. Ne egkehimu sikandin he iketelu te kinelevawan he menge upisyal te ginhedian ku.”