Daniel 4:37 - Manobo Western Bukidnon OT

³⁷ Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Daniel 4:37 ပူးပေါင်းရင်းမြစ်များ

2 Cronica 33:19

Is pengemuyù ni Manase wey is tavak te Nengazen kandin, ragkes en is langun he menge salè din wey menge kedsupak din te Nengazen, ne ingkesurat diyà te libru te menge ebpeneuven. Ingkelista zaan kayi is menge lugar he mibpehitindeǥan din te menge simbahan, te menge tukud he simbulu te vahi he ed-ezapen he si Ashera, wey is duma pa he menge ed-ezapen he mid-azap din dutun te kemulu pa sikandin ebpelavew ziyà te etuvangan te Megbevayà.

Ester 6:10

Nekeuyun dutun haazà is hadì ne ke sikandin diyà te ki Haman te, “Iyan ku sikew ibpevaal keniyan te nekaǥi nu, ne gègaani nu veyai sikan is bisti he ibivisti ku wey sikan is kudè ku ne sumalà is nekaǥi nu ne iyan ul-ulaha nu ziyà te Judio he si Mordecai he ebpimpinuu ziyà te pultahan kayi te turuǥan. Ne purungi nu tumana sikan is nekaǥi nu.”

Salmo 119:75

Netuenan ku, Nengazen, he metazeng is menge suǥù nu. Ne ǥeina te metinumanen ka te egkeǥiyen nu, umbe mibmansu a kenikew.

Salmo 99:4

Mekeǥeǥehem sikandin he Hadì, ne zekelà diyà te ǥehinawa zin is hustu he kukuman. Wazè din ibpelavi ke edhukum sikandin, ne metazeng wey hustu is ebeelan din diyà te Israel.

Exodus 18:11

Guntaan, netuenan ku en he utew lavew he gemhanan is Nengazen kenà te langun he ed-ezapen, su midlibri zin is menge Israilihanen te kedèdaaǥa kandan te menge Ehiptohanen.”

Exodus 8:4

Edlingketawan ka te menge bakbak wey is menge etew nu wey elin is menge upisyal nu.’ ”

Isaias 23:9

Is Nengazen he Mekeǥeǥehem iyan mibpelanu kayi su ibpekevavè din is ebpelavew te kegkemekeǥeǥehem din wey is egkilelaan he ventuǥan kayi te kelibutan.

Isaias 5:16

Piru is Nengazen mulà he Mekeǥeǥehem edeliǥen tenged te kedhukum din. Pinaaǥi te metazeng he kedhukum din, ibpeehè din he waǥas sikandin he Megbevayà.

Jeremias 50:29

“Ipesurung niw te menge mememanà is Babilonia! Peliǥuwi niw para wazà ebpekepelaǥuy. Belesi niw sikandin sumalà te mibeelan din. Beeli niw ziyà te kandin is mibeelan din diyà te zuma, su midsukulan din is Nengazen, kes Waǥas he Megbevayà te Israel.

Ezekiel 16:56

Midsudì nu zengan is Sodom dutun te timpu te kegkemepelevawen nu

Ezekiel 16:63

Egketenuzan nu is menge salè nu ne egkeeled ka, ne kenè ke en ebpekekaǥi tenged te utew nu kegkeeled emun ebpeseyluwen ku en sikew tenged te langun he mibeelan nu. Iyan a, is Nengazen he MEGBEVAYÀ, is migkaǥi kayi.”

Daniel 4:26

Ne vahin duen te migkaǥi te velinsuǥuen he ebey-anan is tued, ebpesavut haazà he idlikù diyà te kenikew is ginhedian nu emun egkilelaan nu he iyan is Megbevayà edhadì te langun.

Daniel 4:3

Utew igkeinuinu wey utew mekeǥeǥehem is egkengein-inuwan he impaahà te Megbevayà! Is kedhadì din ne wazà pidtemanan.

Daniel 4:34

“Ne kegketapus te pitu he tuig, ne siak, si Nebucadnezar, midangep a ziyà te Megbevayà, ne zutun midlikù is meupiya he ked-isip-isip ku. Umbe midalig ku wey mibeǥayan ku te zengeg is Utew Lavew he Megbevayà he uuyag te wazà pidtemanan. Migkaǥi a te, ‘Is kedhadì din ne wazà pidtemanan.

Daniel 5:4

Ne zutun te ked-iinum dan te vinu, midalig dan is menge ledawan he ed-ezapen he vulawan, pelata, brunsi, putew, kayu, wey vatu.

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.

1 Samuel 2:3

Wazà minsan hentei he ebpekepelavew wey ebpekepahambug su is Nengazen Megbevayà, ne wazà ebpekeeles kandin he minsan hengkey, wey ed-is-isipen din is ebeelan te menge etew.