Daniel 4:32 - Manobo Western Bukidnon OT

³² Edsegseǥen ka pehendiyà te meziyù te menge etew ne ed-amur ka te leew he menge langgam. Ne egkeiring ka te vaka su ebpenabtab ka te sagbet. Ne kegketapus te pitu he tuig, egkilelaan nu he is Utew Lavew he Megbevayà, duen din gehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.”

Daniel 4:32 ပူးပေါင်းရင်းမြစ်များ

2 Cronica 33:13

Ne zutun te kebpengemuyù din, nemineg is Nengazen kandin. Newaleng is Nengazen dutun te kebpehizuhizu ni Manase. Umbe impelikù sikandin te Nengazen diyà te Jerusalem wey ziyà te ginhedian din. Ne zutun nepurung meisip-isip ni Manase he iyan dà Megbevayà is Nengazen.

Job 42:2

“Netuenan ku he egkehimu nu is minsan hengkey, ne wazà ebpekeeǥen kenikew.

Job 9:12

Emun duen din egkesuatan te egkuwa, ne wazà ebpekeeǥen kandin. Wazà etew he zuen din gehem te kedriklamu ke hengkey is ebeelan te Megbevayà.

Salmo 115:3

Diyà te langit is Megbevayè dey ne ebeelan din ke hengkey is egkesuatan din.

Salmo 135:6

Midhimu te Nengazen is minsan hengkey he egkesuatan din, diyà te langit, dini te tanà, diyà te menge zaǥat, wey ziyà te kinezizeleman kayi.

Exodus 8:10

Ne midtavak haazà is hadì te, “Keeselem iampù a kenikew.” Ne midtavak si Moises te, “Uya, edtumanen ku heeyan is nekaǥi nu, su wey nu metueni he wazà ebpekerepeng te Nengazen he iyan Megbevayè dey.

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Exodus 9:29

Ne midtavak si Moises te, “Kengkuwan te kebpekeǥawas ku kayi te inged, ibayew ku is belad ku su ed-ampù e en diyà te Nengazen. Ne ed-engked is menge veransì ne egkaawà is giyew, su wey nu metueni he gaked te Nengazen heini is kelibutan.

Isaias 37:20

Umbe ǥuntaan, Nengazen he Megbevayè dey, libriya key puun te ǥehem te menge tig-Asiria, su para metueni te langun he ginhedian kayi te kelibutan he iyan ke zà Nengazen he Megbevayà.”

Isaias 40:15

Iyan benar, is menge nasyun iring dà te tiǥis te wahig puun te teleǥuey kayi, etawa eliyavuk diyà te timbangan. Para te Megbevayà, is menge isla ke ebitbiten din, iring dà kahagkap te eliyavuk.

Isaias 40:17

Kenà ebpekesusuluwan kandin is menge nasyun. Diyà te isip din, wazà bali te menge nasyun.

Isaias 45:3

Ibeǥey ku kenikew is nekeeles he menge ketiǥeyunan, su wey nu metueni he iyan a, is Nengazen he Megbevayà te Israel midtawag kenikew.

Jeremias 27:5

Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Daniel 4:31

Ne te wazè pa sikandin mekepasad he egkaǥi, duen laǥeng he ebpuun diyà te langit he edhenduen te, “Hadì Nebucadnezar, pemineǥa nu heini: Midhawì en diyà te kenikew is keǥehem nu te kedhadì.

Daniel 5:21

ne midsegseg sikandin pehendiyà te meziyù te menge etew. Ne nehimu is isip din he iring te isip te langgam. Mid-ubpà sikandin duma te leew he menge asnu ne nenabtab sikandin te sagbet iring te vaka. Wey layun egkahames is lawa zin te zehemug. Iyan haazà kebpekesavuk din taman te migkilala zin he is Utew Lavew he Megbevayà, duen din keǥehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.

Josue 4:24

Mibeelan heini te Nengazen su para kilelaa te langun he etew kayi te kelibutan he mekeǥeǥehem sikandin, wey kew layun medtahud kandin te Nengazen he Megbevayè niw.”