Daniel 4:30 - Manobo Western Bukidnon OT

³⁰ ke sikandin te, “Utew mekeǥeǥehem is Babilonia he midhimu ku he lavew he inged pinaaǥi te kediey he sigudu wey para te ventuǥan ku.”

Daniel 4:30 ပူးပေါင်းရင်းမြစ်များ

Genesis 10:10

Iyan menge zekelà he inged diyà te ǥinhedian din is Babilonia, is Erec, wey is Acad, he menge inged diyà te tanà he sakup te Shinar.

Ester 1:4

Heenem he vulan is keluǥayad te midhimu zin he keemuran, ne impaahà ni Ahasuerus is kesesepian din dutun te ginhedian din, wey is dekelà he ventuǥan din wey kegketelehuzen.

Salmo 104:1

Ereg he edeliǥen ku is Nengazen. Nengazen he Megbevayè ku, mekeǥeǥehem ka iyan. Is kezekelà te zengeg nu wey is kegkelavew nu, menge kineiya heini he insun-ud nu iring te visti.

Salmo 49:20

Is sepian he etew he wazè din kedsavut, ebpatey he iring te menge langgam.

Salmo 73:8

Edsudien dan wey mezaat is ebpengeǥiyen dan diyà te zuma. Utew sikandan hembugiru he ebpenhulgà wey ebpendaagdaag te zuma.

Erubasa 11:2

Is ebpelavew ne egkepeel-elezan sikandin, piru is kenà mepelevawen egkehimu he uluwanen.

Erubasa 16:18

Is kebpelavew wey kegkemesinupaken, edrimeǥas te kezeetan.

Erubasa 29:23

Tenged te kebpelavew te etew, ebminus is pid-etawan din; iyan, tenged te kenè din kebpelavew, edtehuzen wey edeliǥen sikandin.

Isaias 13:19

Edezeetan ku iring te Sodom wey Gomora is Babilonia; iyan heini utew mekempet he ginhedian te langun, bentuǥan heini wey zekelà is dengeg te menge meǥinged kayi.

Ezekiel 29:3

Keǥiyi nu sikandin he iyan a is Nengazen he MEGBEVAYÀ migkaǥi te: Kuntada ku sikew, Faraon he hadì te Ehipto. Neiring ka te zekelà he vuaya he ed-ubpà diyà te menge wahig diyan te Ehipto. Migkaǥi ka te kenikew is Wahig he Nilo, ne mibeelan nu heini para mismu kenikew.

Daniel 4:31

Ne te wazè pa sikandin mekepasad he egkaǥi, duen laǥeng he ebpuun diyà te langit he edhenduen te, “Hadì Nebucadnezar, pemineǥa nu heini: Midhawì en diyà te kenikew is keǥehem nu te kedhadì.

Habakuk 1:11

Ne kegkepasad dutun ne egenat sikandan he henduen dà te keramag he midsaǥad. Heini sikandan, nekesalà, su wazà duma he migkilala zan he Megbevayà, kekenà, iyan dà is kebpekegaga zan.”