Daniel 4:3 - Manobo Western Bukidnon OT

³ Utew igkeinuinu wey utew mekeǥeǥehem is egkengein-inuwan he impaahà te Megbevayà! Is kedhadì din ne wazà pidtemanan.

Daniel 4:3 ပူးပေါင်းရင်းမြစ်များ

Job 25:2

“Gemhanan wey telehuzen is Megbevayà. Edhimuwen din he melinew is langit he ginhedian din.

Salmo 104:24

Nengazen, utew mahabet is mibpemeelan nu. Mibeelan nu heini is langun pinaaǥi te ketau nu. Nepenù is kelibutan te menge mibeelan nu.

Salmo 105:27

Ne impeehè dan diyà te tanà te menge kevuwazan ni Ham is egkein-inuwan he menge vaal te Megbevayà.

Salmo 145:13

Is kedhadì nu wazà pidtemanan. Nengazen ka he metinumanen te langun he menge penaad nu, wey veliǥeǥawen ka te langun he linimbag nu.

Salmo 66:7

Edhadì sikandin te wazà pidtemanan pinaaǥi te ǥehem din, ne ebpeniizan din is menge nasyun. Ne kenà ereg he ebpegalbu is menge mesinupaken te Megbevayà.

Salmo 72:18

Mezait he edeliǥen is Nengazen he Megbevayà, kes Megbevayà te Israel, he iyan dà ebpekehimu keniyan he menge egkengein-inuwan.

Salmo 77:19

Midlayun nu is daǥat he nemaǥel te dezekelà he menge vaǥel, piru wazè ka maahà is edsaǥad.

Salmo 86:10

Su mekeǥeǥehem ka, ne egkein-inuwan is menge vaal nu; iyan ke zà Megbevayà.

Salmo 92:5

Utew egkein-inuwi is mibpemeelan nu, Nengazen! Kenè dey egketegkad is isip nu.

Isaias 25:1

Nengazen, iyan ka Megbevayè ku! Edalig a wey ebeǥey te zengeg kenikew su utew egkein-inuwi is menge mibpemeelan nu. Midtuman nu is menge pelanu nu he midhimu nu zengan te nehuna he timpu.

Isaias 28:29

Heini he ketau ebpuun diyà te Nengazen he Mekeǥeǥehem. Utew meupiya is sambag din wey utew egkein-inuwi is ketau zin.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Daniel 2:2

Impetawag din is menge sakup din he menge selemengkiru, menge keteuwanen, menge veyilan, menge menenagnà, su wey zan ikeseysey is kehuluǥan duen te teǥeinep din.

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 7:14

Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.

Daniel 7:27

Ne zutun ibeǥey ziyà te menge etew he ǥaked te Utew Lavew he Megbevayà is kedumala wey keǥehem diyà te menge ginhedian kayi te tivuuk he kelibutan. Ne edhadì sikandan te wazà pidtemanan, is langun he menge ginhedian ebpenilbi wey ebpezumazuma kandin.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.