Daniel 4:29 - Manobo Western Bukidnon OT

²⁹ Su kedlavey te senge-tuig puun te kedseysaya ni Daniel te kehuluǥan duen te teǥeinep, ne iyan heini nehitavù: Edhihipanew si Hadì Nebucadnezar ziyà te patag he atep te turuǥan din diyà te Babilonia

Daniel 4:29 ပူးပေါင်းရင်းမြစ်များ

Genesis 6:3

Ne migkaǥi zutun is Nengazen te, “Haaza is gehinawa ku he imbeǥey ku ziyà te menusiyà, kenè ku idtuǥut he wazà pidtemanan te kedtuvey zin diyà te kandan, su menge etew zà duen sikandan. Ne tenged dutun, edhimuwen ku he puun guntaan, iyan kelugayad te untung din is 120 dà he tuig.”

Megwewali 8:11

Emun kenà segugunà edhukumi is etew he ebpekesalà, ne ebpekeisip daan is duma te kebaal te mezaat.

Daniel 4:14

Ne ingkulahì din is lalag he edhenduen te, ‘Pilaya niw heeyan is kayu ne penempeza niw is menge subpang din. Pen-ewaa niw is menge zahun din wey ipenimbag niw is menge veǥas din. Buǥawa niw is menge langgam he nemenhelung duen wey is menge tagbis he nenesalag diyà te menge subpang din.

Daniel 4:22

Mahal he Hadì, iyan ka haazà is kayu. Su nehimu ka he mekeǥeǥehem ne iring te nekeume en diyà te langit is kegkemekeǥeǥehem nu, ne is kedhadì nu nekeuma ziyà te minsan hendei kayi te kelibutan.”

Daniel 4:30

ke sikandin te, “Utew mekeǥeǥehem is Babilonia he midhimu ku he lavew he inged pinaaǥi te kediey he sigudu wey para te ventuǥan ku.”