Daniel 4:18 - Manobo Western Bukidnon OT

¹⁸ “Ne iyan haazà, Belteshazar teǥeinep ku. Umbe, siak si Hadì Nebucadnezar, egkeǥiyen ku kenikew te, ‘Iseysey nu kedì is kehuluǥan kayi su wazà minsan sevaha zuen te menge uluwanen kayi te ginhedian ku he ebpekeseysey te kehuluǥan kayi. Piru igkeseysey nu mulà heini su ziyà te kenikew is mulin-ulin te waǥas he menge ed-ezapen.’ ”

Daniel 4:18 ပူးပေါင်းရင်းမြစ်များ

Genesis 40:12

Ne migkaǥi si Jose te, “Iyan heini kehuluǥan te teǥeinep nu: Sikan is tetelu he subpang ne iyan kehuluǥan din is tetelu he andew.

Genesis 41:15

Ne migkaǥi is hadì diyà te ki Jose te, “Neketeǥeinep a piru wazà minsan hentei he ebpekeseysey te kehuluǥan din. Duen mibpenudtul kedì he metau ka he edseysey te kehuluǥan te menge teǥeinep.”

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

Isaias 19:3

Egkaawà is kevurut te menge Ehiptohanen, ne edhimuwen ku he meliveg sikandan is ebpelanu. Edangep dan diyà te menge ed-ezapen dan, diyà te menge ǥimukud te nemematey en, diyà te menge veyilan, wey menge etew he edsarig te menge mulin-ulin.

Daniel 1:20

Dutun te langun he in-insà te hadì diyà te kandan, netuenan din he sepulù he takep is kedlavew te ketau zan te ketau te menge selemengkiru wey menge veyilan seled te tivuuk he ginhedian din.

Daniel 2:38

Mibpeveyveyaan din kenikew is menge etew, menge langgam, menge tagbis, diyà te minsan hendei. Ne iyan ka impetug-iring duen te vulawan he ulu zuen te ledawan.

Daniel 2:7

Mid-uman sikandan medtavak te, “Mahal he Hadì, keǥiya nu kenami is teǥeinep nu ne idseysey zey ziyà te kenikew is kehuluǥan din.”

Daniel 5:15

Impetawag ku is menge uluwanen, ragkes en is menge veyilan su ibpevasa ku wey ibpeseysey ku kandan is kehuluǥan te nekesurat keniyan te elavat, iyan, kenè dan egketuenan.

Daniel 5:8

Ne mid-uvey haazà is uluwanen he menge etew su ebesahan dan haazà is nekesurat duen te elavat. Iyan, kenè dan egkevasa wey egkeseysey is kehuluǥan dutun, dutun te hadì.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.