Daniel 4:14 - Manobo Western Bukidnon OT

¹⁴ Ne ingkulahì din is lalag he edhenduen te, ‘Pilaya niw heeyan is kayu ne penempeza niw is menge subpang din. Pen-ewaa niw is menge zahun din wey ipenimbag niw is menge veǥas din. Buǥawa niw is menge langgam he nemenhelung duen wey is menge tagbis he nenesalag diyà te menge subpang din.

Daniel 4:14 ပူးပေါင်းရင်းမြစ်များ

Job 24:20

Kenè en sikandan egketenuzan, kekenà, egkelipatan en sikandan minsan te iney zan. Egkeenen sikandan te tagkey, ne edezeetan sikandan iring te kayu he midtamped.

Jeremias 27:5

Pinaaǥi te zekelà he ǥehem ku midlimbag ku is kelibutan, is menge etew, wey is menge langgam, ne iyan a ebayàbayà ke hentei is ibpezumala ku kayi.

Jeremias 51:6

“Sikiyu is menge tig-Juda wey tig-Israel, ewai niw is Babilonia su wey kew melibriyi! Kenè kew pekimatey tenged dà te salà te menge tig-Babilonia. Timpu en he ebelesan ku sikandan te ereg te mibeelan dan.

Jeremias 51:9

Migkaǥi is menge Israilihanen he ed-ubpà diyà te, “Mibpeniguduwan dey te ebawì is Babilonia piru kenè en sikandin egkeulian. Hendiyè kiw en, ed-awà kiw en kayi ne ed-ulì kiw ziyà te kenitew he menge lugar. Su nekesungkul en te langit is menge salè din, umbe edsilutan en sikandin te Nengazen.

Ezekiel 31:10

Umbe ǥuntaan, migkaǥi is Nengazen he MEGBEVAYÀ te, “Tenged te impemetikang kayi he kayu is keugelingen din wey kerapung te menge subpang din, wey tenged te kebpegalbu zin,

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Daniel 3:4

ingkulahì te menunudtulà is lalag he edhenduen te, “Sikiyu is ebpemuun diyà te nekedseselekawà he menge nasyun, menge kepuun, wey menge kineǥiyan,

Daniel 4:12

Mekempet is menge zahun din wey mahabet is menge veǥas din ne minsan egkaan kayi is langun ne ereg heini. Midhelung kayi is menge langgam wey midsesalag is tagbis diyà te menge subpang din. Ne zutun egkuwa is langun he linimbag te egkekaan dan.’

Daniel 4:23

Ne mibpedayun megkaǥi si Daniel te, “Ne elin neehè nu, Mahal he Hadì, is sevaha he velinsuǥuen he mibpenaug he ebpuun te langit he ingkulahì din is lalag he edhenduen te, ‘Pilaya niw heeyan is kayu piru vey-ani niw en is tued din diyà te vevesukà he nevedbed te putew wey brunsi. Ne is etew he impetug-iring kayi he kayu ne layun egkahames te zehemug wey ebpenabtab duma te menge leew he langgam seled te pitu he tuig.’

Daniel 4:29

Su kedlavey te senge-tuig puun te kedseysaya ni Daniel te kehuluǥan duen te teǥeinep, ne iyan heini nehitavù: Edhihipanew si Hadì Nebucadnezar ziyà te patag he atep te turuǥan din diyà te Babilonia

Daniel 5:20

Piru geina te mebpagalbu wey mibpelavew sikandin, impaawà sikandin te kegkahadì

Daniel 5:21

ne midsegseg sikandin pehendiyà te meziyù te menge etew. Ne nehimu is isip din he iring te isip te langgam. Mid-ubpà sikandin duma te leew he menge asnu ne nenabtab sikandin te sagbet iring te vaka. Wey layun egkahames is lawa zin te zehemug. Iyan haazà kebpekesavuk din taman te migkilala zin he is Utew Lavew he Megbevayà, duen din keǥehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.