Daniel 3:8 - Manobo Western Bukidnon OT

⁸ Dutun he timpu, duen nepipira he menge tig-Babilonia he mid-uvey zuen te hadì ne insumbung dan is menge Judio.

Daniel 3:8 ပူးပေါင်းရင်းမြစ်များ

Ester 3:6

Hein netuenan din pa he sevaha he Judio si Mordecai, mibpelenuwan din he kenè dà si Mordecai is ebpehimetayan din, kekenà, ragkes daan is langun he menge Judio zutun te tivuuk he ginhedian ni Hadì Ahasuerus.

Daniel 1:4

Heini sikandan, kinahanglan he menge mezagwey, meupiya is kedlelawa, memetau, elistu, wey melumu he ebpenuruen su para zait sikandan he ebpenilbi te hadì. Midsuǥù din daan si Ashpenaz he penurua zin sikandan te kineǥiyan wey belesahan te tig-Babilonia.

Daniel 2:10

Midtavak dan haazà is hadì te, “Wazà etew kayi te tivuuk he kelibutan he ebpekehimu keniyan te mibuyù nu. Wey wazà daan hadì, minsan utew pa sikandin mekeǥeǥehem, he nekesuǥù te menge selemengkiru, menge veyilan, etawa menge menenagnà te kebaal te iring keniyan.

Daniel 2:2

Impetawag din is menge sakup din he menge selemengkiru, menge keteuwanen, menge veyilan, menge menenagnà, su wey zan ikeseysey is kehuluǥan duen te teǥeinep din.

Daniel 3:7

Umbe, kegkezineǥa zan te zaǥing te menge instrumintu ne midluhud dan is ed-azap duen te ledawan.

Daniel 4:7

Kebpekeuma te menge selemengkiru, menge veyilan, menge menenagnà, wey menge mengingingkuris, ne midtudtul ku ziyà te kandan is teǥeinep ku, piru kenè dan igkeseysey kayi te kedì is kehuluǥan din.

Daniel 6:4

Ne tenged dutun nesina sikan is dezuwa he zuma zin he menge administradur wey is menge gubirnedur ne mibpekeventayan dan si Daniel su wey zan maahà is sayep din te kedumala zin su wey zan sikandin ikesumbung. Piru wazà egkeehè dan he sayep su egkeseriǥan si Daniel ne meupiya is kedumala zin.