Daniel 3:30 - Manobo Western Bukidnon OT

³⁰ Ne mibeǥayan dutun te hadì ensi Shadrac, Meshac, wey Abednego te edhuna he metikang duen te nehuna he ketengdanan dan dutun te prubinsya he Babilonia.

Daniel 3:30 ပူးပေါင်းရင်းမြစ်များ

Salmo 1:3

Iring sikandin te kayu he ziyà ipemula te veyvey te wahig ne ebpemeǥas sikandin dutun te timpu te tipemeǥas, ne kenà egkeǥangu is menge zahun din. Is etew he iring kayi, ed-uswag diyà te menge vaal zin.

Salmo 91:14

Migkaǥi is Megbevayà te, “Edlibriyen ku wey edlevanan ku is mibmahal wey migkilala kedì.

Daniel 1:7

Ne mid-ilisan ni Ashpenaz is menge ngazan dan. Si Daniel ne iyan si Belteshazar, si Hanania iyan si Shadrac, si Mishael iyan si Meshac, ne si Azaria iyan si Abednego.

Daniel 2:49

Midhangyù ni Daniel zuen te hadì he himuwa zin si Shadrac, si Meshac, wey si Abednego he menge timbang din te kedumala te prubinsya he Babilonia. Ne midtuǥut haazà is hadì. Ne si Daniel wazà mulà med-awà diyà te turuǥan te hadì.

Daniel 3:1

Dutun he timpu, mibpevaal si Nebucadnezar te ledawan he vulawan. Is ketikang din 90 he ǥiek ne 9 he ǥiek is keluag din. Ne hein nepasad en haazà, impehitindeg din diyà te suǥud diyà te Dura diyà te prubinsya he Babilonia.

Daniel 3:12

Piru wazà medtuman te suǥù nu is menge Judio he si Shadrac, si Meshac, wey si Abednego he impezumala nu te prubinsya he Babilonia. Wazè dan mebpenilbi te menge ed-ezapen nu, wey wazè dan ezapa sikan is ledawan he vulawan he impehitindeg nu.”

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.