Daniel 3:25 - Manobo Western Bukidnon OT

²⁵ Ne migkaǥi haazà is hadì te, “Ahàa niw man! Heepat is neehè ku he edhiphipanew keniyan te hapuy. Kenè en sikandan binakus ne wazà sikandan memenu. Is sevaha kandan henduen be te ed-ezapen.”

Daniel 3:25 ပူးပေါင်းရင်းမြစ်များ

Job 1:6

Ne sevaha he andew, midtiǥum is menge velinsuǥuen diyà te etuvangan te Nengazen, ne midtampu kandan si Setanas.

Job 38:7

Dutun he timpu, nesevaha te kegkanta is menge mekevugwas wey nemen-uruhuy te kegkelipey is langun he menge velinsuǥuen.

Job 5:19

Layun ke zin edlibriya te vangkit wey kezeetan.

Salmo 34:7

Ebentayan te velinsuǥuen te Nengazen is menge etew he edtahud te Nengazen, ne edlibriyen din sikandan te kezeetan.

Erubasa 30:4

Duen be etew he nekehendiyà te langit he midliku ded kayi te kelibutan? Duen be etew he nekekemkem te keramag etawa neketenges te wahig te manggad? Duen be etew he nengelintau wey mekesavuk is menge zulunà te kelibutan? Emun duen nu nekilala, keǥiya nu kedì is ngazan din wey is ngazan te menge anak din.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Jeremias 1:19

Egkuntedahan ke zan, piru kenè ke zan egkezaag, su zuma a kenikew ne edtevangan ku sikew. Iyan a, is Nengazen, is migkaǥi kayi.”

Jeremias 1:8

Kenè ka mahandek te menge etew su eduma a is edtavang kenikew.”

Jeremias 15:21

Uya, edlibriyen ku sikew puun te ǥehem te menge lalung wey mesipala he menge etew.”

Daniel 3:18

Piru emun kenè key zin edlibriyen, egkesuat key he metueni nu he kenè key iyan ebpenilbi te menge ed-ezapen nu wey kenè key ed-azap duen te ledawan he vulawan he impehitindeg nu.”

Daniel 3:24

Ne zutun te kedtengteng ni Hadì Nebucadnezar, nekeserivantu sikandin te utew zin kegkeinuinu. Nekeinsà sikandin duen te menge upisyal zin te, “Kenè be tetelu zà he etew is mibakus tew he intimbag keniyan te hapuy?” Midtavak dan te, “Uya, Mahal he Hadì.”

Daniel 3:28

Ne tenged dutun migkaǥi haazà is hadì te, “Edeliǥen is Megbevayà eni Shadrac, Meshac, wey Abednego. Midsuǥù din is belinsuǥuen din te kedlibri kandan te menge suluǥuen din he midsarig diyà te kandin. Heini sikandan wazà medsunud te suǥù ku te ked-azap duen te ledawan, kekenà, midtumù dan he idtimbag sikandan diyà te hapuy su para kenà sikandan mekaazap te minsan hentei he ed-ezapen he kenà iyan is kandan he Megbevayà.

Daniel 6:23

Ne kegkezineǥa zutun duen te hadì, utew sikandin nelipey ne zuen midsuǥù din te kegkuwa ki Daniel zutun te vudsi. Ne hein nekeǥawas en si Daniel ne wazà minsan deisey he palì etawa rudrud he neehè dan diyà te lawa zin, su geina te midsarig sikandin te Megbevayà.