Daniel 3:14 - Manobo Western Bukidnon OT

¹⁴ Ne kebpekeuma zan mid-insaan sikandan duen te hadì te, “Tutuu ve he wazè kew mebpenilbi te menge ed-ezapen ku wey wazà kew med-azap duen te ledawan he vulawan he impehitindeg ku?

Daniel 3:14 ပူးပေါင်းရင်းမြစ်များ

Isaias 46:1

Is menge ed-ezapen diyà te Babilonia he si Bel wey si Nebo ebpekezungul zutun te kegkergaha kandan te kerwahi he eguyuzen te menge asnu. Meveǥat heini he karga te egkeveley he menge asnu.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Daniel 3:1

Dutun he timpu, mibpevaal si Nebucadnezar te ledawan he vulawan. Is ketikang din 90 he ǥiek ne 9 he ǥiek is keluag din. Ne hein nepasad en haazà, impehitindeg din diyà te suǥud diyà te Dura diyà te prubinsya he Babilonia.

Daniel 4:8

“Dutun te huziyan he timpu, midhendiyà si Daniel te kedì. (Migngezanan sikandin te Belteshazar he iyan ngazan te ed-ezapen ku. Ne ziyà te kandin is mulin-ulin te waǥas he menge ed-ezapen.) Midtudtul ku kandin is teǥeinep ku.