Daniel 2:48 - Manobo Western Bukidnon OT

⁴⁸ Ne zutun mibeǥayan duen te hadì si Daniel te mahabet wey mekempet he menge gasa. Wey mibeǥayan din daan sikandin te metikang he ketengdanan su iyan din impezumala te tivuuk he prubinsya te Babilonia wey impepenguluwan kandin is langun he uluwanen he etew zutun.

Daniel 2:48 ပူးပေါင်းရင်းမြစ်များ

2 Samuel 19:32

Meǥurang en si Barzilai; 80 en is penuiǥen din. Dekelà is ketiǥeyunan din, su iyan sikandin mibeǥey te menge kinehenglanen ni David hein kebpeke-ubpà ni David diyà te Mahanaim.

2 Hadì 5:1

Si Naaman he peremandar te menge sundaru ziyà te Aram, edtehuzen te hadì diyà te Aram, su pinaaǥi kandin mibpengelinteuwan te Nengazen he mekezaag is Aram. Meupiya sikandin he sundaru, piru zuen utew mezaat he zaru te lundis he ed-isipen he meremerik.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Jeremias 5:5

Umbe, midhendiyà a te menge pengulu zan su wey ku sikandan melelaǥi. Siguradu he netuenan dan is menge paaǥi te Nengazen he Megbevayè dan he ibpetuman kandan.” Piru minsan sikandan, inselikwey zan daan is menge ibpetuman te Megbevayà.

Daniel 2:6

Piru emun egketagnè niw sikan is teǥeinep ku wey igkeseysey niw is kehuluǥan kayi, ebeǥayan ku sikiyu te meupiya he menge gasa wey zengeg. Na, tegnaa niw en wey iseysey is kehuluǥan din.”

Daniel 3:1

Dutun he timpu, mibpevaal si Nebucadnezar te ledawan he vulawan. Is ketikang din 90 he ǥiek ne 9 he ǥiek is keluag din. Ne hein nepasad en haazà, impehitindeg din diyà te suǥud diyà te Dura diyà te prubinsya he Babilonia.

Daniel 3:12

Piru wazà medtuman te suǥù nu is menge Judio he si Shadrac, si Meshac, wey si Abednego he impezumala nu te prubinsya he Babilonia. Wazè dan mebpenilbi te menge ed-ezapen nu, wey wazè dan ezapa sikan is ledawan he vulawan he impehitindeg nu.”

Daniel 3:30

Ne mibeǥayan dutun te hadì ensi Shadrac, Meshac, wey Abednego te edhuna he metikang duen te nehuna he ketengdanan dan dutun te prubinsya he Babilonia.

Daniel 4:6

Umbe, mibmandù a he zumaha kayi te kediey is langun he memetau kayi te Babilonia su para meseysey zan kayi te kedì is kehuluǥan kayi te teǥeinep ku.

Daniel 4:9

Ke siak te, ‘Belteshazar, he pengulu te menge selemengkiru, netuenan ku he is mulin-ulin te menge ed-ezapen, ne ziyà te kenikew, ne melemu nu zà egketueni is nekeeles he menge ketutuanan. Iseysey nu kediey is kehuluǥan te menge nelewasan ku ziyà te teǥeinep ku.

Daniel 5:11

su zuen sevaha he etew kayi te ginhedian nu he ziyà te kandin is mulin-ulin te waǥas he menge ed-ezapen. Te timpu te kedhadì te amey nu he si Hadì Nebucadnezar, impaahà kayi he etew is ketau zin he iring te ketau te menge ed-ezapen. Midhimu sikandin te amey nu he pengulu te menge selemengkiru, menge veyilan, menge menenagnà, wey menge mengingingkuris.

Daniel 5:16

Piru netudtulan a he metau ka mulà he edseysey te kehuluǥan, wey metau ka he edsulbar te mereǥen he menge prublima. Guntaan, emun egkevasa nu wey egkeseysey nu is kehuluǥan keniyan te nekesurat, ebpevistiyan ku sikew te visti te hadì wey ebpevelieǥan ku sikew te vulawan. Ne edhimuwen ku pa sikew he iketelu zuen te kinelevawan he menge upisyal kayi te ginhedian ku.”

Daniel 5:29

Ne kebpekepasad ni Daniel te kegkaǥi, ne mibmandù si Belshazar he vistiyi si Daniel te visti te hadì wey velieǥi te velieg he vulawan. Ne midhimu si Daniel he iketelu te kinelevawan he menge upisyal te ginhedian diyà te Babilonia.

Daniel 5:7

Umbe, nekepengulahì sikandin is edsuǥù he umawa is uluwanen he menge etew ziyà te Babilonia: is menge selemengkiru, menge menenagnà, wey menge mengingingkuris. Ne kebpekeuma zan, migkaǥi sikandin diyà te kandan te, “Is minsan hentei he ebpekevasa te nekesurat keniyan te elavat wey ebpekeseysey te kehuluǥan din, ne ebpevistiyan ku te visti te hadì wey ebpevelieǥan ku te vulawan. Ne egkehimu sikandin he iketelu te kinelevawan he menge upisyal te ginhedian ku.”

Daniel 8:27

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.

Numero 24:11

Ne ǥuntaan ulì ke en! Migkaǥi a he edsuhulan ku sikew te meupiya, piru kenà edtuǥut is Nengazen he maangken nu is suhul.”

1 Samuel 17:25

Mibpetudtudtulà sikandan te, “Neehè niw ve kes etew he lelayun ebpenginggat kenitew te menge Israilihanen? Ebeǥayan kun te hadì te zekelà he suhul is ebpekepatey kandin. Ne kenà iyan dà heeyan, su ibpeesawa zin pa is anak din kandin, ne kenà ibpevayad te vuhis te Israel is pemilya zin.”

1 Samuel 2:8

Ed-enawen din is menge pubri zutun te utew zan kegkeayuayu. Ibpepinuu zin sikandan duma te menge metikang is pid-etawan dan ne edhimuwen din he telehuzen. Iyan sikandin teǥiǥaked te pundasyun ne zutun din isavuk is kelibutan.

1 Samuel 25:2

Dutun te Maon duen sevaha he etew zutun he zekelà is ketiǥeyunan din, duen tanè din diyà te Carmel. 1,000 is kambing din ne 3,000 is kerehidu zin ne ebpen-elutan din diyà te Carmel.