Daniel 2:4 - Manobo Western Bukidnon OT

⁴ Ne midtavak duen te menge menenagnà haazà is hadì te kineǥiyan he Aramico te, “Mebmeluǥayad is untung nu, Mahal he Hadì! Tudtula nu ziyà te kenami te menge suluǥuen nu is teǥeinep nu, ne idseysey zey ziyà te kenikew is kehuluǥan din.”

Daniel 2:4 ပူးပေါင်းရင်းမြစ်များ

Genesis 31:47

Migngezanan haazà ni Laban is intambù he menge vatu te Jegar Sahaduta. Piru migngezanan heini ni Jacob te Galeed. Diyà te Hebreo, he ke và dà egkeǥiya, “Intambù he Ebpeketistiǥus.”

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

1 Hadì 1:25

Nemuhat sikandin guntaan te mahabet he tudu he vaka, impelambù he menge turiti he vaka, wey menge kerehidu. Ne mid-imbita zin is hapit langun te maama he menge anak nu, is peremandar te menge sundaru nu, wey si Abiatar he memumuhat. Egkekaan dan wey ed-iinum dan guntaan, he ke sikandan te, ‘Mebmeluǥayad is untung ni Hadì Adonia!’

1 Hadì 1:31

Ne zutun segugunà midluhud si Batsheba te kedtahud dutun te hadì, ke sikandin te, “Mahal he Hadì David, berakat he mebmeluǥayad is untung nu!”

2 Hadì 18:26

Migkeǥiyan ni Eliakim, ni Shebna, wey ni Joa haazà is peremandar te sundaru te, “Deyzey ke iyan nu egemiten te kebpekidlalag kenami is kineǥiyan he Aramico, su egkesavut dey heini. Kenè ka kaǥi te Hebriyuhanen su egkezineg ka te menge etew he ziyà te menge verengbeng te inged.”

Ezra 4:7

Ne minsan hein si Artaserkses en is hadì diyà te Persia, mibpesuratan dan daan. Iyan sikandan ensi Bishlam, Mitredat, Tabeel, wey is duma pa he menge zuma zan. Insurat dan heini ziyà te kineǥiyan he Aramico ne midhuvad heini ziyà te kineǥiyan te menge tig-Persia.

Nehemias 2:3

piru midtavak ku haazà is hadì te, “Mebmeluǥuyad is untung nu, Mahal he Hadì! Egkeseeng a su ǥeina te nevengkag is inged he midlevengan te menge kepuun ku ne neepur is menge pultahan din.”

Isaias 36:11

Migkeǥiyan ni Eliakim, ni Shebna, wey ni Joa haazà is peremandar te sundaru te, “Deyzey ke iyan nu egemiten te kebpekidlalag kenami is kineǥiyan he Aramico, su egkesavut dey heini. Kenè ka kaǥi te Hebriyuhanen su egkezineg ka te menge etew he ziyà te menge verengbeng te inged.”

Isaias 44:25

Wazè ku mehimuwa he metuman is menge tagnà te teruen he menge ebpeneuven. Ne edhimuwen ku he menge tulebung is menge menenagnà. Edhimuwen ku he kenà medselir is ketau te menge uluwanen, wey edhimuwen ku he kenà ebpulus is netuenan dan.

Daniel 1:4

Heini sikandan, kinahanglan he menge mezagwey, meupiya is kedlelawa, memetau, elistu, wey melumu he ebpenuruen su para zait sikandan he ebpenilbi te hadì. Midsuǥù din daan si Ashpenaz he penurua zin sikandan te kineǥiyan wey belesahan te tig-Babilonia.

Daniel 2:7

Mid-uman sikandan medtavak te, “Mahal he Hadì, keǥiya nu kenami is teǥeinep nu ne idseysey zey ziyà te kenikew is kehuluǥan din.”

Daniel 3:9

Kesikandan diyà te ki Hadì Nebucadnezar te, “Mebmeluǥuyad is untung nu, Mahal he Hadì!

Daniel 4:19

Neipeng wey nahandek si Daniel (he egngenazan daan te Belteshazar) te kegkezineǥa zin dutun te lalag te hadì. Umbe migkeǥiyan sikandin dutun te hadì te, “Belteshazar, kenè ka meipeng tenged te teǥeinep ku wey kehuluǥan din.” Ne midtavak si Belteshazar te, “Mahal he Hadì, meupiya pezem ke is teǥeinep nu wey is kehuluǥen din, ne ziyà egkehitavù te menge kuntada nu ne kenà diyà te kenikew.

Daniel 4:7

Kebpekeuma te menge selemengkiru, menge veyilan, menge menenagnà, wey menge mengingingkuris, ne midtudtul ku ziyà te kandan is teǥeinep ku, piru kenè dan igkeseysey kayi te kedì is kehuluǥan din.

Daniel 4:9

Ke siak te, ‘Belteshazar, he pengulu te menge selemengkiru, netuenan ku he is mulin-ulin te menge ed-ezapen, ne ziyà te kenikew, ne melemu nu zà egketueni is nekeeles he menge ketutuanan. Iseysey nu kediey is kehuluǥan te menge nelewasan ku ziyà te teǥeinep ku.

Daniel 5:10

Ne zutun te nezineg duen te rayna is keǥurub dan, ne mid-uvey sikandin diyà te kandan is egkaǥi te, “Mebmeluǥuyad is untung nu, Mahal he Hadì! Kenè ka mahandek wey meipeng,

Daniel 5:8

Ne mid-uvey haazà is uluwanen he menge etew su ebesahan dan haazà is nekesurat duen te elavat. Iyan, kenè dan egkevasa wey egkeseysey is kehuluǥan dutun, dutun te hadì.

Daniel 6:21

Ne midtavak si Daniel te, “Mebmeluǥayad is untung nu, Mahal he Hadì!

Daniel 6:6

Umbe, midhendiyà sikandan te hadì he ke sikandan te, “Mebmeluǥayad is untung nu, Mahal he Hadì!

Daniel 6:7

Sikami is menge administradur, menge mayur, menge gubirnedur, menge sumesambag, wey zuma he menge upisyal te ginhedian nu, neuyun key he edhengyuan dey sikew he vaal ka te velaud, he seled te 30 he andew kinahanglan he wazà minsan hentei he ebpengemuyù diyà te minsan hentei he ed-ezapen etawa etew, kekenà, diyè dà te kenikew. Ne utew kinahanglan he edtumanen heini, su is minsan hentei he kenà kayi edtuman he suǥù ne idtimbag diyà te vudsi he zuen duen menge erimaung.

1 Samuel 10:24

Umbe, migkeǥiyan ni Samuel is langun he menge etew te, “Iyan heini kes etew he mibpilì te Nengazen he iyan hadì niw. Wazà minsan sevaha kenitew he nekeiring kandin.” Ne zutun nemengulahì is menge etew he egkaǥi te, “Mebmeluǥayad is untung te hadì!”