Daniel 2:18 - Manobo Western Bukidnon OT

¹⁸ Migkeǥiyan sikandan ni Daniel he mebpengemuyù dan su para mehizuwi sikandan te Megbevayà diyà te langit ne metueni zan is kehuluǥan duen te teǥeinep te hadì, su para kenà sikandan mehimetayi duma te zuma he uluwanen he menge etew ziyà te Babilonia.

Daniel 2:18 ပူးပေါင်းရင်းမြစ်များ

Genesis 18:28

Penenglitan, ke wazà 50 he menge metazeng dutun te inged su 45, edlimasen nu zed be haazà is inged su egkurang te lelima he menge metazeng?” Ne midtavak is Nengazen te, “Emun duen egkeehè ku he 45, ne kenè ku en edlimasen.”

Salmo 136:26

Peselemati is Megbevayà diyà te langit. Wazà pidtemanan te ǥaǥew zin.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Isaias 37:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.”

Jeremias 33:3

“Umawa a kenikew su edtevangan ku sikew. Ne ibpezayag ku ziyà te kenikew is egkengein-inuwan wey in-eles he wazè nu pa metueni.

Ezekiel 36:37

Mibpedayun megkaǥi is Nengazen he MEGBEVAYÀ te, “Ed-umanan ku ebpemineǥa is kebpehizuhizu te menge etew te Israel, ne iyan ebeelan ku ziyà te kandan is: Edhimuwen ku sikandan he iring kahabet te menge kerehidu he ibpemuhat diyà te Jerusalem emun timpu te pista. Umbe is nengevengkag he menge inged egkeuman egkepenù te mahabet he menge etew. Ne egketuenan dan he iyan a Nengazen.”

Daniel 2:23

Umbe, edeliǥen ku wey ebpeselamatan ku sikew, is Megbevayà te menge kepuun ku. Iyan ka mibeǥey kedì te ketau wey kebpekehimu. Ne imbeǥey nu kenami is mibuyù dey ziyà te kenikew pinaaǥi te kebpezeyaǥa nu kenami zuen te teǥeinep te hadì.”

Daniel 3:17

Emun iyan heeyan egkehitavù ne edlibriyen key te Megbevayà he edsilbiyan dey keniyan te egkiràkirà he rapug. Edlibriyen key zin para kenè key kenikew mekeizi.

Daniel 4:26

Ne vahin duen te migkaǥi te velinsuǥuen he ebey-anan is tued, ebpesavut haazà he idlikù diyà te kenikew is ginhedian nu emun egkilelaan nu he iyan is Megbevayà edhadì te langun.

Jonas 1:9

Ne ke si Jonas te, “Hebriyuhanen a ne iyan ed-ezapen ku is Nengazen, is Megbevayà diyà te langit he iyan midlimbag te zaǥat wey tanà.”

Malakias 3:18

Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.”

1 Samuel 17:37

Is Nengazen he midluwas kedì dutun te erimaung wey bir edluwas daan kedì kayi te gehem te Filistihanen.” Migkeǥiyan ni Saul si David te, “Uya, hipanew kad, berakat he iyan is Nengazen eduma kenikew.”