Daniel 12:9 - Manobo Western Bukidnon OT

⁹ Ne midtavak sikandin te, “Daniel, taǥad ke zà, su is tavak te insè nu ne id-eles pa heini ne kenà ereg he edtudtulen taman te kegkeuma te ketepusan.

Daniel 12:9 ပူးပေါင်းရင်းမြစ်များ

Isaias 29:11

Su ziyà te keniyu, heini is langun he impezayag keniyu iring te libru he siradu. Ne emun ibpevasa heini te etew he metau he ebasa, ne ke sikandin te, “Kenè ku heeyan ebesahan su siradu.”

Isaias 8:16

Sikiyu is menge edsunud kedì, kenè niw lipati is menge penurù ku.

Daniel 10:14

Ne ǥuntaan, kayi a su wey ku ikepesavut kenikew ke hengkey is egkehitavù te zuma nu he menge Israilihanen te huziyan he timpu, su is kenikew he naahà mehitenged te egkehitavù te huziyan he timpu.”

Daniel 11:40

“Emun egkeume en is ketepusan, ebpekidtebek is hadì diyà te zivavà te hadì diyà te zizaya. Piru edtebeken sikandin duen te hadì diyà te zizaya duma is ebpemen-untud te kerwahi wey pereuntud te kudà wey te mahabet he menge varku. Heini sikandin, iring te zalem he edsurung te menge nasyun, ne ebpendezeetan din sikandan.

Daniel 12:4

Piru sikew, Daniel, isira nu zà dèpa heini is libru, wey kenè nu en dèpa tudtula is menge lalag kayi taman te egkeuma is ketepusan. Dutun te kenè pa heini ibpahayag ne mezakel is egkesuat he mesavut dan is egkengehitavù.”

Daniel 12:8

Wazè ku mesavut haazà is tavak din. Umbe migkaǥi a ziyà te kandin te, “Datù, hengkey is egkehimu he rimeǥas keniyan he menge hitavù?”

Daniel 8:26

“Daniel, tutuu is migkaǥi ku kenikew he mehitenged te kebpeengkezi te meselem wey mahapun he kebpemuhat. Piru kenè nu en dèpa tudtula heini su egkeuǥet pa egkehitavù.”