Daniel 12:3 - Manobo Western Bukidnon OT

³ Sikan is nemekesavut te tutuu wey nenurù te menge etew mehitenged te kedtinazeng ne egkeiring te menge vituen diyà te langit su edsiǥa te wazà pidtemanan.

Daniel 12:3 ပူးပေါင်းရင်းမြစ်များ

Exodus 34:35

ne egkaahà te menge Israilihanen is kebpenganlag te zagwey zin. Ne edtembunan din heini taman te edlikù sikandin diyà te Tulda su ebpekidlalag en maan sikandin te Nengazen.

Erubasa 11:30

Is rimeǥas te menge ulaula te etew he metazeng, igkepetug-iring te kayu he ebpekeveǥey te untung, ne is ed-ul-ulahan te etew he metau ibpenurù din diyà te menge etew is paaǥi te hustu he kebpengungubpaan.

Erubasa 3:35

Is menge uluwanen, ne egkezeliǥan, piru is menge tulebung ne egkepeel-elezan.

Erubasa 4:18

Is kebpengungubpaan te menge etew he metazeng ne igkepetug-iring te aney en he kedsilà te andew ke egkepawà he ebmerayag taman te meudtu.

Megwewali 12:9

Uluwanen haazà is megwewali ne kenà iyan dà sikandin mibpulus te ketau zin, su impenurù din diyà te menge etew is netuenan din. Mibpurungan din istudyuwi is menge erubasa ne impelastar zin haazà kayi te surat din.

Isaias 53:11

Emun egkeehè din is beǥas te menge ked-antus din, ne egkelipey sikandin. Migkaǥi is Nengazen te, “Pinaaǥi te ketau te metazeng he suluǥuen ku mahabet is ebmetzengen din; ed-antus sikandin para te menge salè dan.

Jeremias 23:22

Emun pezem netuenan dan ke hengkey is diyà te isip ku, midtudtul zan en pezem is menge lalag ku ziyà te menge etew ku, su para meengkezi zan is mezaat he menge vetasan dan wey menge vaal zan.

Daniel 11:33

“Is menge etew he nekesavut te tutuu, ebpenuruen dan is mahabet he menge etew, piru ebpesipelahan sikandan seled te egkepipira he andew. Is duma kandan ebpenhimetayan pinaaǥi te ispada etawa hapuy, ne is duma pa ebihaǥen etawa ed-eǥawen is menge azen dan.

Daniel 11:35

Ebpesipelahan is duma he nekesavut te tutuu su para mehimu sikandan he lunsey wey egkelumpiyuwan sikandan taman te kegkeuma te ketepusan, he egkeuma emun egketuman en is timpu he netelaan.

Daniel 12:10

Mezakel is nekesavut te tutuu he edlumpiyuwan sikandan, ne egkesavut dan is mibpengaǥi ku. Piru is menge lalung ebpedayun te kebaal te kelelalung, ne kenè dan egkesavut is mibpengaǥi ku.

Zatù 5:31

“Nengazen, berakat he mezeeti is langun he menge kuntada nu. Ne verakat mulà he meiring te andew he ebpurung edsiǥa is ebmahal kenikew.” Dutun he timpu melinawen is ked-ubpà diyà te Israel seled te 40 he tuig.