Daniel 12:10 - Manobo Western Bukidnon OT

¹⁰ Mezakel is nekesavut te tutuu he edlumpiyuwan sikandan, ne egkesavut dan is mibpengaǥi ku. Piru is menge lalung ebpedayun te kebaal te kelelalung, ne kenè dan egkesavut is mibpengaǥi ku.

Daniel 12:10 ပူးပေါင်းရင်းမြစ်များ

Salmo 107:43

Is menge uluwanen ereg he ebpurung ed-isip-isip mehitenged kayi; ereg he ed-isipen dan is dekelà he ǥaǥew te Nengazen.

Salmo 51:7

Iawè nu is menge salè ku su wey a melumpiyuwi; lùlui a su wey a mebmeputì.

Erubasa 1:5

Pinaaǥi te kebpemineg kayi, ne egkeumanan pa is ketau te menge uluwanen wey egkegiyahan is duen din menge netuenan,

Isaias 1:18

Migkaǥi pa is Nengazen te, “Hendini kew, su edhusayen tew heini. Minsan sengemenu keremerik is menge salè niw, edlumpiyuwan ku heeyan su wey kew mehimu he lumpiyu.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Ezekiel 47:11

Piru is menge wahig diyà te peliǥuy kayi ne kenà egkaawà is timus duen su para zuen egkekuwaan te timus te menge etew.

Daniel 11:33

“Is menge etew he nekesavut te tutuu, ebpenuruen dan is mahabet he menge etew, piru ebpesipelahan sikandan seled te egkepipira he andew. Is duma kandan ebpenhimetayan pinaaǥi te ispada etawa hapuy, ne is duma pa ebihaǥen etawa ed-eǥawen is menge azen dan.

Daniel 11:35

Ebpesipelahan is duma he nekesavut te tutuu su para mehimu sikandan he lunsey wey egkelumpiyuwan sikandan taman te kegkeuma te ketepusan, he egkeuma emun egketuman en is timpu he netelaan.

Daniel 12:3

Sikan is nemekesavut te tutuu wey nenurù te menge etew mehitenged te kedtinazeng ne egkeiring te menge vituen diyà te langit su edsiǥa te wazà pidtemanan.

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Malakias 3:3

Edhukum sikandin he iring te hapuy he edlunsey te pelata; edlunsayen din is menge Levihanen wey edlunsayen te pelata wey vulawan. Ne zutun ebpemuhaten dan en human is Nengazen te hustu he menge pemuhat.

1 Samuel 24:13

Iring te menge egkegkeǥiyen guntaan he egkaǥi te, ‘Iyan is mezaat he etew is ebaal te mezaat.’ Umbe kenè ku sikew ebmenuwen.