Daniel 11:7 - Manobo Western Bukidnon OT

⁷ “Dutun te huziyan he timpu, is suled duen te vahi, egkehimu he hadì diyà te zivavà he ginhedian. Iyan sikandin ebpekeliwan te amey zin. Edsurungen din is menge sundaru te hadì diyà te zizaya ne edselezan din is binerengbeng he inged duen te hadì. Ebpekidtebek sikandin kandan ne ebpekezaag sikandin.

Daniel 11:7 ပူးပေါင်းရင်းမြစ်များ

Job 14:7

“Emun edtempezen is kayu, egkehimu pa he egkeuyag wey ed-uman edtuvù.

Salmo 109:8

Berakat he kenà mebmeluǥayad is untung din ne ikeveǥey en te zuma is buluhaten din.

Salmo 55:23

Piru is menge teremunù wey menge limbungan idtimbag din diyà te mezalem he lugar te menge minatey, dutun te kenè pa sikandan edliwezeenan. Piru siak mulà, edsarig a te Megbevayà.

Isaias 11:1

Is menge kevuwazan ni David he menge hadì dengan, iring sikandan te mibpiley he kayu. Ne ǥeina te neneringsing en guntaan is tued kayi, duen gihapun kevuwazan daan ni David he egeraran te Subpang. Egkehimu sikandin he veǥu he hadì tew.

Isaias 9:14

Umbe, edtik-ew edsilut is Nengazen diyà te tivuuk he Israel. Egkeiring sikandan te uyaǥen he edtempezan te ikug wey ebpungelan te ulu.

Jeremias 12:2

Midtuvazan nu sikandan iring te kayu he nendalid he midtuvù wey nemeǥas. Ne pinaaǥi zà te vèbà is kebeǥayi zan kenikew te zengeg ne kenà diyà ebpuun te ǥehinawa zan.

Ezekiel 17:18

Ne ǥeina te wazè din beliya is impenangdù din wey wazè din tumana is neuyunan, kenè sikandin ebpekelingkawas.

Daniel 11:40

“Emun egkeume en is ketepusan, ebpekidtebek is hadì diyà te zivavà te hadì diyà te zizaya. Piru edtebeken sikandin duen te hadì diyà te zizaya duma is ebpemen-untud te kerwahi wey pereuntud te kudà wey te mahabet he menge varku. Heini sikandin, iring te zalem he edsurung te menge nasyun, ne ebpendezeetan din sikandan.

Daniel 11:6

Ne kedlavey te egkepipira he tuig, egkesevaha is ginhedian diyà te zizaya wey is ginhedian diyà te zivavà. Su ibpeesawa te hadì diyà te zivavà is anak din he vahi te hadì diyà te zizaya. Piru kenà egkeuǥet is gehem duen te vahi wey is gehem duen te hadì diyà te zizaya. Su zutun he timpu edhimetayan haazà is bahi ragkes is esawa zin wey is anak dan wey is menge suluǥuen dan.

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.