Daniel 11:6 - Manobo Western Bukidnon OT

⁶ Ne kedlavey te egkepipira he tuig, egkesevaha is ginhedian diyà te zizaya wey is ginhedian diyà te zivavà. Su ibpeesawa te hadì diyà te zivavà is anak din he vahi te hadì diyà te zizaya. Piru kenà egkeuǥet is gehem duen te vahi wey is gehem duen te hadì diyà te zizaya. Su zutun he timpu edhimetayan haazà is bahi ragkes is esawa zin wey is anak dan wey is menge suluǥuen dan.

Daniel 11:6 ပူးပေါင်းရင်းမြစ်များ

Job 38:15

Tenged te kerayag, kenà ebpekeuyayà is menge lalung, su kenè dan ebpekepesipala te zuma.

Salmo 10:5

Ne minsan pa zutun, layun sikandan ed-uswag, umbe wazè en diyà te isip dan is kedhukumi nu kandan. Ne và dan dà ed-un-undaha is menge kuntada zan.

Ezekiel 30:21

“Sikew is etew, midlepuan ku is bekelawan te Faraon he hadì te Ehipto. Ne wazà ebpekevawì kayi wey meulii su wey med-uman mebmezesen te kegawed te ispada.

Daniel 11:13

Su ed-uman edtiǥum sikan is hadì diyà te zizaya te tuwas pa he mahabet he menge sundaru zuen te nehuna. Ne kedlavey te egkepipira he tuig ed-uman sikandin edsurung duma te mahabet wey egkeǥumeenan he menge sundaru.

Daniel 11:15

Ne edsurungen te hadì diyà te zizaya is binerengbeng he inged te ginhedian diyà te zivavà. Edliǥuyan dan heini ne edselezan dan. Wazè en egkehimu te menge sundaru te ginhedian diyà te zivavà minsan sikan is egkengeseriǥan he menge sundaru zan, su kenè dan egkehimu te edaag haazà is menge kuntada zan.

Daniel 11:40

“Emun egkeume en is ketepusan, ebpekidtebek is hadì diyà te zivavà te hadì diyà te zizaya. Piru edtebeken sikandin duen te hadì diyà te zizaya duma is ebpemen-untud te kerwahi wey pereuntud te kudà wey te mahabet he menge varku. Heini sikandin, iring te zalem he edsurung te menge nasyun, ne ebpendezeetan din sikandan.

Daniel 11:7

“Dutun te huziyan he timpu, is suled duen te vahi, egkehimu he hadì diyà te zivavà he ginhedian. Iyan sikandin ebpekeliwan te amey zin. Edsurungen din is menge sundaru te hadì diyà te zizaya ne edselezan din is binerengbeng he inged duen te hadì. Ebpekidtebek sikandin kandan ne ebpekezaag sikandin.

Zacarias 11:16

Su edsavuk a te pengulu ziyà te tanà te Israel he iring te perevantey te menge kerehidu he wazè din pulus: kenè din ebpen-ahaan is netazin etawa kenè din edtembaran is menge nepelian, wey kenè din ibpepenabtab is memeǥasà. Piru egkaan sikandin te usa te melambù he kerehidu ne minsan is sapù te sulu ne edwekaan din su edreǥinuten din en.