Daniel 11:27 - Manobo Western Bukidnon OT

²⁷ “Ne kegkepasad dutun ne uvag ebpepurungà heini is dezuwa he hadì piru pudu zan teruen, pudu zan ed-isip te paaǥi te kedlimbungi te sevaha kandan. Piru wazà edlampus kandan dutun te ebpekedsuvar he tuyù dan. Ne ebpedayun is kebpekidtebek dan su wazè pa meuma is netelaan te Nengazen he timpu te ketepusan.

Daniel 11:27 ပူးပေါင်းရင်းမြစ်များ

2 Samuel 13:26

Migkaǥi si Absalom te, “Emun kenè ka, ne si Amnon dà nasì he suled ku is ipehendiyè nu.” Mid-insà is hadì te, “Maan is utew nu egkinehenglana he ibpehendiyà?”

Salmo 12:2

Langun he menge etew ne ebpemenarùtarù diyà te menge zuma zan. Egemiten dan is meungangen he menge lalag te kebpenlimbung dan.

Salmo 52:1

Sikiyu is mekeǥeǥehem he menge etew, maan is ibpehivantug niw is kelelalung niw? Kenè be layun kew ebpurungi te Megbevayà?

Salmo 58:2

Kenà! Su iyan niw zà ed-isipen is kebaal te mezaat. Ebpelebleviyan niw is menge etew ziyà te inged niw.

Salmo 62:9

Is menge etew, dungganen man etawa kenà, ne kenà egkeseriǥan. Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag.

Salmo 64:6

Mibpelanu zan te mezaat ne ke sikandan te, “Utew meupiya is pelanu tew.” Kenè egketegkad is isip wey ǥehinawa te etew.

Erubasa 12:20

Limbung is egketaǥù diyà te ǥehinawa te etew he iyan ed-isipen din is kebaal te mezaat, iyan, kelipey mulà is egketaǥù diyà te ǥehinawa te etew he ebpen-ahà te melinew he kebpekesavuk.

Erubasa 19:21

Mahabet is pelanu te etew piru iyan gihapun egkeulaula is egkesuatan te Nengazen.

Erubasa 26:23

Emun id-eles nu is mezaat diyà te ǥehinawa nu pinaaǥi te meupiya he kegkaǥikaǥi, iring ka te ziniyun he mibpekeplaan te pelata he kenà lunsey.

Ezekiel 17:9

“Ne ǥuntaan, siak, is Nengazen he MEGBEVAYÀ, ed-insà a te: Ebpekepedayun be heini te kedtuvù? Kenà! Ebezuten heini ne egkuwaan is menge veǥas din, ne ebey-anan en ke meǥangu. Melemu zà heini he ebezuten, kenè en egkinahanglan te mezesen he etew etawa mezakel he menge etew is kebazut kayi.

Daniel 10:1

Dutun te iketelu he tuig te kedhadì ni Cyrus diyà te Persia, duen impetuenan ki Daniel te migngezanan daan ki Belteshazar. Tutuu is impetuenan kandin, ne mehitenged heini te zekelà he tebek ne impelewasan heini kandin wey zin mesavut.

Daniel 11:28

Ne ed-ulì diyà te kandin he inged haazà is hadì diyà te zizaya he ed-uwit te mahabet he menge azen he netavan din pinaaǥi te kebpekidtebek. Ne zutun ebpeǥintuluyen din te edezaat is menge etew te Megbevayà wey is tinuuwan dan, ne human edlaus ed-ulì.

Daniel 11:29

“Ne tenged te zaan he imbanglis, ed-umanan din edsurunga is ginhedian diyà te zivavà, piru is egkehitavù dutun ne kenè en iring te nehitavù duen te nehuna he kedsurung din.

Daniel 11:35

Ebpesipelahan is duma he nekesavut te tutuu su para mehimu sikandan he lunsey wey egkelumpiyuwan sikandan taman te kegkeuma te ketepusan, he egkeuma emun egketuman en is timpu he netelaan.

Daniel 11:40

“Emun egkeume en is ketepusan, ebpekidtebek is hadì diyà te zivavà te hadì diyà te zizaya. Piru edtebeken sikandin duen te hadì diyà te zizaya duma is ebpemen-untud te kerwahi wey pereuntud te kudà wey te mahabet he menge varku. Heini sikandin, iring te zalem he edsurung te menge nasyun, ne ebpendezeetan din sikandan.

Daniel 8:17

Ne hein mid-uvey kayi te kedì si Gabriel, midluhud a tenged te kegkahandek ku. Piru migkaǥi sikandin te, “Sikew is etew, kinahanglan he egkesavut nu sikan is nelewasan nu, he mehitenged te huziyan he timpu.”

Daniel 8:19

Ke sikandin te, “Egkeǥiyan ku sikew ke hengkey is egkehitavù te huziyan he timpu emun edsilut en is Megbevayà tenged te pauk din. Iyan ibpaalung te neehè nu, is egkehitavù te huziyan he timpu.

Habakuk 2:3

Isurat nu zà heini zep-a su wazè pa meuma is midtelaan he timpu te kegkeul-ulaha kayi. Ne kenà ebperis is kegkeul-ulaha kayi te kena egkeuǥet. Emun henduen be te malù egkeuǥet ne teǥazi nu, su siguradu he egkehitavù heini he kenà egkeuǥet.