Daniel 11:24 - Manobo Western Bukidnon OT

²⁴ Kunaan te menge etew, he kenà sikandin ebpekehimu he edsurung te meuswaǥen he lugar ziyà te sevaha he prubinsya. Ebeelan din is wazà meveeli zengan te menge kepuun din. Ebehinen din diyà te menge sumusunud kandin is menge azen he egkaaǥew zin pinaaǥi te tebek. Ebpelanu sikandin edsurung te vinerengbeng he menge inged, piru seled dà te mevavà he timpu.

Daniel 11:24 ပူးပေါင်းရင်းမြစ်များ

Nehemias 9:25

Mid-aǥew te menge etew nu is binerengbeng he menge inged wey is selebpeten he menge tanà. Mid-aǥew zan daan is menge valey he nezengkuuran te meupiya he menge azen, menge teheb, menge pemuleey te paras, menge pemuleey te ulibu, wey zuma pa he ebpemeǥas he menge kayu he utew mahabet. Migkaan sikandan ne nahantey zan ne mibmeupiya is lawa zan. Nelipey sikandan tenged te utew nu kebpurungi kandan.

Erubasa 17:8

Is etew he edsipsip, kunaan din ke iring te kegkeselemengkiru is kedsipsip su pinaaǥi zutun, egkehimu kun minsan is kenà pezem egkehimu.

Erubasa 19:6

Mahabet is edhimu te paaǥi wey zin mepenunuat is etew he lavew is pid-etawan din, ne emun duen etew he ebpekeveǥey te menge keupiyaanan ne mahabet is egkaǥi he emiǥu zin haazà is nekeveǥey te menge keupiyaanan.

Erubasa 23:7

Su is etew he iring keniyan, ebelensiyen din is kezekelà te egkekaan nu. Ke sikandin, “Pengaan ka.” Piru kenè bes ebpuun diyà te meupiya he ǥehinawa zin is kegkekeǥiya zin dutun.

Ezekiel 34:14

Uya, ibpepenabtab ku sikandan te meilem he penebtavà diyà te menge vuvungan te Israel. Dutun edleku sikandan is ebpenabtab.

Ezekiel 38:10

Mibpedayun megkaǥi is Nengazen he MEGBEVAYÀ te, “Dutun he timpu ebpelanu ka te mezaat.

Daniel 11:23

Ebpekidsevaha kandin is duma he menge nasyun, piru te huziyan he timpu edlimbungan din sikandan. Egkehimu sikandin he mekeǥeǥehem minsan deisey zà is ginhedian din.

Daniel 7:25

Ebpengaǥi sikandin te menge lalag he idsupak din te Utew Lavew he Megbevayà, ne ebpurungan din edlisliseza is menge etew he ǥaked te Megbevayà. Ebpeninguhà sikandin he mahalin is menge pista zan wey Kesuǥuan dan. Ne idtuǥut kandin he mesakup din is menge etew he ǥaked te Megbevayà seled te tetelu he tuig wey tengà.

Numero 13:20

Susiya niw ke egkeveluyan be is tanè dan etawa kenà, wey ke zuen be zuen menge kayu etawa wazà. Ne peninguhaa niw he mekeuwit kew te menge prutas dutun te kedlikù niw zini.” (Timpu haazà te kegkengelutui te paras.)

Zatù 9:4

Mibeǥayan dan si Abimelec te 70 he vuuk he pelata he ebpuun diyà te simbahan he zutun ed-ezapa si Baal Berit, ne migamit din haazà he selapì te kedsuhul te menge buguy para medsunud dan kandin.