Daniel 11:17 - Manobo Western Bukidnon OT

¹⁷ Meheǥet is tinguhà duen te hadì diyà te zizaya te kebpekidtebek te ginhedian diyà te zivavà taman te egkehimu zan. Piru ebpekidsevaha zèpa sikandin te hadì diyà te zivavà pinaaǥi te kebpeesewaa zin te anak din he vahi zuen te hadì su wey zin mezèdeeti is ginhedian diyà te zivavà pinaaǥi zuen te anak din. Piru kenà egkesuat haazà is bahi ke egkekuntada zin is ginhedian diyà te zivavà ne kenè sikandin edlavan te amey zin.

Daniel 11:17 ပူးပေါင်းရင်းမြစ်များ

2 Hadì 12:17

Dutun he timpu, si Hadì Hazael he hadì te Aram midsurung diyà te Gat ne naaǥew zin heini. Ne midisisyun sikandin he edsurungen din daan is Jerusalem.

2 Cronica 20:3

Utew nahandek si Jehoshafat, ne midangep sikandin diyà te Nengazen. Ne mibmandù sikandin he mebpuasa is langun he tig-Juda.

Salmo 56:9

He Megbevayà, dutun te ked-umawa ku kenikew ebpemekepelaǥuy is menge kuntada ku. Neseǥazan ku heini tenged te edlevanan a kenikew te Megbevayè ku.

Erubasa 19:21

Mahabet is pelanu te etew piru iyan gihapun egkeulaula is egkesuatan te Nengazen.

Ezekiel 17:17

Kenà ebpekeuǥup kandin te kebpekidtebek is hadì te Ehipto wey is mahabet wey mekeǥeǥehem he menge sundaru zin emun edsurung en is menge tig-Babilonia te kebpenhimatey te mahabet.

Ezekiel 25:2

“Sikew is etew, sinaru ka ziyà te Ammon ne keǥiya nu is menge lalag he ebpekesuǥat kayi he lugar.

Ezekiel 4:3

Ne kuwa ka te meluag he putew ne iyan heini iverengbeng nu ziyà te mid-elangan niw zuen te inged. Ne ed-etuvang ka zutun te inged is uvag edsurung kayi. Egkehimu heini he petizaan te menge etew te Israel he edsurungen sikandan te menge kuntada zan.

Ezekiel 4:7

Ne umani nu sineruwi is Jerusalem ne tegnaa nu is mezaat he egkehitavù te Israel he wazà tambun te bekelawan nu.

Daniel 11:19

Umbe, ed-ulì haazà is hadì diyà te vinerengbeng he menge inged diyà te nasyun din. Piru egkepatey sikandin, ne iyan haazà ketepusan din.

Daniel 9:26

Ne kegkepasad te 434 he tuig edhimetayan is pengulu he pinilì te Megbevayà he wazà edtavang kandin. Ne ebpekeuma is sevaha he hadì ne edezeetan te menge etew zin haazà is inged wey is baley te Nengazen. Ne ebpedayun is kezeetan wey kebpetebtebekà taman te ketepusan su imbanglis te Megbevayà is kegkeul-ulaha kayi. Henduen be te zalem is kegkeuma te ketepusan he menge andew.

Habakuk 1:9

Ebpekeuma is grupu te menge sundaru zan he andam he ebpesipala. Iring heini te mevandes he keramag he ebpuun diyà te edsilaan. Is menge vihag dan iring kahabet te pantad.