Daniel 11:11 - Manobo Western Bukidnon OT

¹¹ Ne tenged te pauk te hadì diyà te zivavà, ne ebpekidtebek sikandin te hadì diyà te zizaya, ne egkezaag din is mahabet he menge sundaru kayi te hadì te zizaya.

Daniel 11:11 ပူးပေါင်းရင်းမြစ်များ

1 Hadì 20:13

Ne zuen, nekeuma he ebpeneuven te Nengazen diyà te ki Ahab he ke sikandin te, “Iyan heini lalag te Nengazen: ‘Neehè nu ve is utew mahabet he menge sundaru ni Ben Hadad? Piru ibpezaag ku sikandan kenikew ǥuntaan he andew, ne egketuenan nu he iyan a Nengazen.’ ”

1 Hadì 20:28

Midhendiyà is suluǥuen te Megbevayà te hadì diyà te Israel ne migkaǥi te, “Iyan heini lalag te Nengazen: Egkeisip te menge Aramihanen he megbevayà a ziyà te menge vuvungan ne kenà diyà te menge suǥud. Umbe ebpengelinteuwan ku he mezaag nu is utew mahabet he menge sundaru zan su para metueni niw he iyan a Nengazen.”

Salmo 76:10

Kenà duwazuwa he is kegkepauk nu te lalung he menge etew igkezeliǥi kenikew, ne kemulu pa is pauk nu.

Jeremias 27:6

Guntaan ganì ne ibeǥey ku is menge nasyun niw ziyà te suluǥuen ku he si Hadì Nebucadnezar he hadì te Babilonia. Minsan is dumezaas he menge langgam ibpezizalem ku te kedumala zin.

Daniel 11:12

Ne tenged te kebpekezaag din, ebpegalbu sikandin wey mahabet is ebpenhimetayan din, piru kenà ebpedayun is kegkemezeeǥen din.

Daniel 11:40

“Emun egkeume en is ketepusan, ebpekidtebek is hadì diyà te zivavà te hadì diyà te zizaya. Piru edtebeken sikandin duen te hadì diyà te zizaya duma is ebpemen-untud te kerwahi wey pereuntud te kudà wey te mahabet he menge varku. Heini sikandin, iring te zalem he edsurung te menge nasyun, ne ebpendezeetan din sikandan.

Daniel 11:44

Piru zuen menge tudtul he ebpuun diyà te edsilaan wey te zizaya he ebpekepekulbà kandin. Umbe egkezumahan te zekelà he pauk is kebpekidtebek din, ne mahabet he menge etew is ebpenhimetayan din.

Daniel 11:5

“Is hadì diyà te zivavà egkehimu he mekeǥeǥehem. Piru egkelevawan sikandin te sevaha zuen te menge upisyal zin. Ne te huziyan he timpu ne egkehimu haazà is upisyal he hadì he mekeǥeǥehem is ginhedian din.

Daniel 2:38

Mibpeveyveyaan din kenikew is menge etew, menge langgam, menge tagbis, diyà te minsan hendei. Ne iyan ka impetug-iring duen te vulawan he ulu zuen te ledawan.

Daniel 8:7

Tenged te utew zin kegkepauk, wazè din engkezi te edtebek haazà is kerehidu taman te nengerupù sikan is dezuwa he sungey zin. Ne zutun kenè en ebpekesukul haazà is kerehidu. Nepiley haazà ne midtekutakan duen te kambing. Ne wazà neketavang kandin.