Daniel 11:10 - Manobo Western Bukidnon OT

¹⁰ “Edtiǥum te mahabet he menge sundaru is menge anak duen te hadì diyà te zizaya su wey maandam is kebpekidtebek dan. Ne edsurung heini sikandan he henduen be te zalem he kenà egkepeneng. Edsurungen dan minsan is binerengbeng he inged te hadì diyà te zivavà.

Daniel 11:10 ပူးပေါင်းရင်းမြစ်များ

Isaias 25:12

Ebengkaǥen din is metikang wey melig-en he menge verengbeng dan taman te ebpekepeyapat heini ziyà te tanà.

Jeremias 51:42

Egkelapew te zezekelà wey edeǥurus he menge vaǥel is Babilonia.

Daniel 11:22

Mahabet he menge sundaru he menge kuntada zin is ebpendezeetan din, wey ebpenhimetayan din ragkes en is lavew he memumuhat.

Daniel 11:26

Menge etew zin dà is edezaat kandin. Umbe egkezaag is menge sundaru zin ne mahabet kandan is ebpemematey.

Daniel 11:7

“Dutun te huziyan he timpu, is suled duen te vahi, egkehimu he hadì diyà te zivavà he ginhedian. Iyan sikandin ebpekeliwan te amey zin. Edsurungen din is menge sundaru te hadì diyà te zizaya ne edselezan din is binerengbeng he inged duen te hadì. Ebpekidtebek sikandin kandan ne ebpekezaag sikandin.

Daniel 11:9

Piru te huziyan he timpu edsurungen sikandin te hadì diyà te zizaya, piru egkezaag haazà is hadì diyà te zizaya ne ebpekepeuulì diyà te kandin he lugar.

Daniel 9:26

Ne kegkepasad te 434 he tuig edhimetayan is pengulu he pinilì te Megbevayà he wazà edtavang kandin. Ne ebpekeuma is sevaha he hadì ne edezeetan te menge etew zin haazà is inged wey is baley te Nengazen. Ne ebpedayun is kezeetan wey kebpetebtebekà taman te ketepusan su imbanglis te Megbevayà is kegkeul-ulaha kayi. Henduen be te zalem is kegkeuma te ketepusan he menge andew.