Daniel 10:9 - Manobo Western Bukidnon OT

⁹ Ne nezineg ku he migkaǥi haazà is etew. Ne zutun te kegkaǥi zin, ne neewaan a te tanud ne nepiley a ziyà te tanà.

Daniel 10:9 ပူးပေါင်းရင်းမြစ်များ

Genesis 15:12

Ne hein edsanlep en is andew, Nekelipezeng si Abram he utew nehurep. Ne neǥezam din dutun is utew subra he kegkahandek.

Genesis 2:21

Ne tenged dutun impelipezeng te Nengazen he Megbevayà haazà is etew ne hein utew en nehurep, migkuwa zin is sevaha zuen te menge ǥusuk kayi ne midlimeng din haazà is ebpuunan duen te ǥusuk.

Job 33:15

Ebpekidlalag sikandin pinaaǥi te teǥeinep dutun te egkehurep is etew ke mezukilem.

Job 4:13

Nehitavù heini kayi te kediey pinaaǥi te teǥeinep dutun te sevaha he mezukilem he ebpemenlipezeng wey egkengehurep is menge etew.

Solomon 5:2

Dutun te nekelipezeng a ne neketeǥeinep a. Nezineg ku he ebpeneǥuktuk is minahal ku. Ke sikandin te, “Puwasi a, pelanggè ku he mekempet. Su nahames en is ulu ku te zehemug.”

Daniel 10:16

Ne, heini is henduen be te etew, migkevit din is bivig ku ne human a mekekaǥi. Migkeǥiyan ku haazà is edhithitindeg diyà te etuvangan ku te, “Datù, selakew is keǥezamgezam ku wey edluyahan a tenged duen te nelewasan ku.

Daniel 8:18

Ne zutun te kebpekidlalag din kedì, neewaan a te tanud is edlangkeb diyà te tanà. Piru migewezan e zin wey impeenew.

Habakuk 3:16

Migkaǥi si Habakuk te, “Hein nezineg ku is impahayag te Nengazen kayi te kedì, migkerker is tivuuk he lawa ku ragkes en is bivig ku tenged te kegkahandek ku. Midluyahan a ne migkerker is menge paa ku. Ne tenged kayi te impahayag te Nengazen, ne kenà a edarà is edtaǥad te timpu te kedsiluti zin te menge midsurung kenami.