Daniel 10:8 - Manobo Western Bukidnon OT

⁸ Umbe, iyan e zà nesamà he ed-ahà dutun te egkein-inuwan he impaahà. Mibmemeluntak a wey midluyahan.

Daniel 10:8 ပူးပေါင်းရင်းမြစ်များ

Genesis 32:31

Ne hein midsilà is andew mid-awà si Jacob diyà te Peniel. Ebpiangpiang sikandin tenged te kegkekiluwi te midsuuran te tulan te seǥang din.

Exodus 3:3

Ne neisip din is malù din haazà ed-uvayi su wey zin mesusi haazà is sikan din pa maahà su neinuinu sikandin ke maan is kenà egketutung haazà.

Daniel 10:16

Ne, heini is henduen be te etew, migkevit din is bivig ku ne human a mekekaǥi. Migkeǥiyan ku haazà is edhithitindeg diyà te etuvangan ku te, “Datù, selakew is keǥezamgezam ku wey edluyahan a tenged duen te nelewasan ku.

Daniel 10:17

Ebmenumenu a he ebpekidlalag kenikew te wazè ku en desen wey hapit e en kenà ebpekeǥehinawa?”

Daniel 7:28

“Iyan heeyan teǥeinep ku. Ingkeherati ku heini ne mibmemeluntak a te kegkulbai ku. Iyan, wazà ku heini tudtula ziyà te minsan hentei.”

Daniel 8:27

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.

Daniel 8:7

Tenged te utew zin kegkepauk, wazè din engkezi te edtebek haazà is kerehidu taman te nengerupù sikan is dezuwa he sungey zin. Ne zutun kenè en ebpekesukul haazà is kerehidu. Nepiley haazà ne midtekutakan duen te kambing. Ne wazà neketavang kandin.

Habakuk 3:16

Migkaǥi si Habakuk te, “Hein nezineg ku is impahayag te Nengazen kayi te kedì, migkerker is tivuuk he lawa ku ragkes en is bivig ku tenged te kegkahandek ku. Midluyahan a ne migkerker is menge paa ku. Ne tenged kayi te impahayag te Nengazen, ne kenà a edarà is edtaǥad te timpu te kedsiluti zin te menge midsurung kenami.