Daniel 10:6 - Manobo Western Bukidnon OT

⁶ Ne henduen be te mahalen he vatu is lawa zin su ed-ilak-ilak. Ne henduen be te kilat is dagwey zin su egkindab, ne iring te sulù is mata zin su edsiǥa. Is menge velad din wey menge paa zin ne ed-ilak-ilak he henduen be te midlimbasan he brunsi, ne mezaǥing is laǥeng din he henduen be te keǥurub te mahabet he etew.

Daniel 10:6 ပူးပေါင်းရင်းမြစ်များ

Exodus 28:20

ne ikeepat he linya, krisulitu, uniks, wey haspir. Ibpemezivavew heini ziyà te selevukà he vulawan he para te ebpezivevawan duen.

Solomon 5:14

Is menge vekelawan din, ne henduen be te kebilya he vulawan he zuen duen mahalen he menge vatu. Is lawa zin henduen be te impesinew he ungal te ilipanti he nezeyzeyanan te menge vatu he sepiru.

Ezekiel 1:14

Heini is uuyag he menge linimbag edlikùlikù he henduen be te kilat.

Ezekiel 1:16

Iyan heini ked-ahaa ta wey kegkeveeli zuen te menge ligid: Ed-ilak-ilak heini iring te mahalen he vatu he krisulitu, ne neked-iiring is kegkeveeli kayi he henduen be te zezuwa he ligid he nekebelevaǥà

Ezekiel 1:24

Ne emun edlayang haazà is uuyag he menge linimbag, egkezineg ku is keǥurub te menge pakpak dan, he henduen be te selenuhug, wey zeǥurus te meseleg he wahig, wey iring te laǥeng te Mekeǥeǥehem he Megbevayà, wey henduen be te keǥurub te mahabet he menge sundaru. Ne emun ebpundu sikandan kenè dan ebekaren is menge pakpak dan.

Ezekiel 10:9

Duen daan neehè ku he heepat he ligid, is sevaha ziyà te avey te kada kirubin. Ed-ilak-ilak heini iring te vatu he krisulitu,

Ezekiel 40:3

Ne mid-uwit a te Nengazen dutun, ne zuen neehè ku he etew he is ked-ahaa ta zuen, iring te ed-ilak-ilak he brunsi. Midhitindeg sikandin diyà te ǥemawan is egawed te zezuwa he sukud: is sevaha linu he hiket, ne is sevaha pa kayu.

Ezekiel 8:2

Duen neehè ku he henduen be te etew. Puun te hawak din pehendiyà te zizalem ne henduen sikandin te hapuy, ne puun te hawak din pehendiyà te zivavew ne iring sikandin te ed-ilak-ilak he mital.