Daniel 10:21 - Manobo Western Bukidnon OT

²¹ Midhengkayi a su wey ku ikeseysey ziyà te kenikew is ingkesurat diyà te Libru he Midsuratan te Tutuu. Dutun te kebpekidtebek ku, ne wazà duma he nekeuǥup kedì, kekenà, iyan dà si Micael he pengulu te Israel.

Daniel 10:21 ပူးပေါင်းရင်းမြစ်များ

Daniel 10:13

Ne wazà a mekesayu mekeuma zini su mid-alang kedì is mulin-ulin he iyan pengulu te ginhedian he Persia seled te 21 he andew. Meupiya ganì su midtevangan a ni Miguel he sevaha zuen te menge pengulu te menge velinsuǥuen, su sebsevaha ku zà is nekidtebek duen te pengulu te Persia.

Daniel 12:1

Ne migkaǥi pa sikan is henduen be te etew te, “Dutun he timpu, ebpeseǥazan ni Micael te menge etew is silut su insuǥù heini kandin te Megbevayà. Si Micael iyan sikan is lavew he pengulu he edlavan te menge zuma nu he menge Israilihanen. Utew mereǥen is kebpekesavuk te menge etew zutun he timpu, ne heeyan he kemeresayan wazè pa keenu mehitavù puun te kegkepuun kegketukud te menge nasyun. Piru edlibriyen puun keniyan te kemeresayan is menge zuma nu he menge Israilihanen he nekesurat is menge ngazan dan diyà te libru he midlistahan te menge etew he zuen dan untung he wazà pidtemanan.

Daniel 12:4

Piru sikew, Daniel, isira nu zà dèpa heini is libru, wey kenè nu en dèpa tudtula is menge lalag kayi taman te egkeuma is ketepusan. Dutun te kenè pa heini ibpahayag ne mezakel is egkesuat he mesavut dan is egkengehitavù.”

Daniel 8:26

“Daniel, tutuu is migkaǥi ku kenikew he mehitenged te kebpeengkezi te meselem wey mahapun he kebpemuhat. Piru kenè nu en dèpa tudtula heini su egkeuǥet pa egkehitavù.”

Daniel 9:22

Impesavut e zin, ke sikandin te, “Daniel, midhendini a su ibpesavut ku kenikew is tagnà.

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.