Daniel 10:19 - Manobo Western Bukidnon OT

¹⁹ Migkaǥi sikandin kayi te kedì te, “Sikew is mibmahal te Megbevayà, kenè ka mahandek wey meipeng. Pekezesen ka.” Ne kegkekeǥiya zin dutun kayi te kedì ne mibmezesen a. Ne zutun migkaǥi a te, “Datù, ipelaus nu en is menge lalag nu su midteǥuan ad kenikew te zesen.”

Daniel 10:19 ပူးပေါင်းရင်းမြစ်များ

Salmo 138:3

Hein mid-umew ku sikew, ne midtavak a kenikew; midlig-enan a kenikew pinaaǥi te zesen nu.

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 41:14

Minsan deisey ka wey meluya, kenè ka mahandek su iyan a mismu edtavang kenikew. Iyan a, is Nengazen, is migkaǥi kayi. Iyan a menluluwas nu, is waǥas he Megbevayà te Israel.

Daniel 10:18

Umbe, mid-umanan a zin kevita ne midlikù is desen ku.

Daniel 9:23

Su kebpuun nu zà ked-ampù ne zuen en impahayag te Megbevayà, ne midhendini a su egkeǥiyen ku kenikew haazà, su utew ka mibmahal te Megbevayà. Umbe pemineǥa nu wey sevuta nu is idseysey ku ziyà te kenikew:

Haggai 2:4

Piru mebpekelig-en kew! Terebehuwa niw is baley ku su eduma a keniyu, is Nengazen he Mekeǥeǥehem.

Zacarias 8:13

Sikiyu is menge etew te Juda wey Israel, midrewakan kew te menge etew ziyà te zuma he menge nasyun. Piru edlibriyen ku sikiyu ne egkehimu kew he tuvad diyà te kandan. Umbe kenè kew mahandek, kekenà, pekelig-en kew.”

Zacarias 8:9

Migkaǥi pa is Nengazen he Mekeǥeǥehem, “Heini he menge lalag migkaǥi zengan te menge ebpeneuven hein timpu te kebeeli te pundasyun te valey ku. Ne ǥuntaan te neuman niw heini mezineg, mebpekelig-en kew su wey niw mepasad is kebangun te valey ku.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Zatù 6:23

Piru migkeǥiyan sikandin te Nengazen te, “Mebmelinawen ka. Kenè ka mahandek su kenè ka ebpatey.”