Daniel 1:9 - Manobo Western Bukidnon OT

⁹ Ketau te Megbevayà he meupiya is isip ni Ashpenaz ki Daniel su para medtuǥut sikandin te hangyù din.

Daniel 1:9 ပူးပေါင်းရင်းမြစ်များ

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Genesis 39:21

midumahan ded si Jose te Nengazen. Tenged te tuvad te Nengazen, nehizuwan duen te ebantey zuen te pirisuwan si Jose.

1 Hadì 8:50

Peseyluwa nu sikandan te menge salè dan wey menge kedrapas dan te egkesuatan nu, ne ituǥut nu he mehizuwi sikandan te mibihag kandan.

Nehemias 1:11

Nengazen, pemineǥa nu is ampù ku te suluǥuen nu, wey is ampù te zuma he menge suluǥuen nu he igkelipey zan is kedtehuza kenikew. Pengelinteuwi nu he ituǥut te hadì is edhengyuen ku ziyà te kandin. Ne verakat he purungi e zin.” Dutun he timpu, iyan a edsilbi te vinu ziyà te hadì.

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Ester 2:9

Ne utew nezeliǥi ni Hegai si Ester, ne utew zin midseǥipà. Segugunè din mid-endami te keenen wey menge kinehenglanen para med-iseg is kekempet din. Mibeǥeyan din sikandin te pitu he menge suluǥuen he vahi he ebpuun diyà te turuǥan te hadì. Ne impeubpà ni Hegai sikandin wey haazà is menge suluǥuen diyà te kinemeupiyahan he ruǥu.

Job 5:15

Edlibriyen te Megbevayà is menge egkengaayuayu te kemetayen wey te kedezaat te gehemanen he menge etew he edaagdaag kandan.

Job 5:16

Umbe, duen egkeperateng te menge egkengaayuayu, piru kenà mulà ibpelampus te Megbevayà is menge lalung.

Salmo 106:46

Ne mibpengelinteuwan din he mehizuwi sikandan te menge mibihag kandan.

Salmo 4:3

Tentenuzi niw he mibpilì te Nengazen is menge etew he edsunud kandin para mehimu he ǥaked din. Tenged kayi, ebpemineǥen e zin emun ebpengumew-umew a kandin.

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Daniel 1:10

Piru migkaǥi si Ashpenaz diyà te kandin te, “Egkahandek a zuen te hadì. Su iyan sikandin migkaǥi ke hengkey is ibpekaan wey ibpeinum keniyu, ne emun egkeehè din he kenà mulà meupiya is keniyu he kedlelawa ne kela ke pehimetayi e zin.”