Daniel 1:8 - Manobo Western Bukidnon OT

⁸ Piru midisisyun si Daniel he kenà sikandin egkaan te keenen te hadì wey kenà ed-inum te inumen te hadì, su para kenà sikandin meremeriki. Umbe midhangyù sikandin diyà te ki Ashpenaz he emun egkehimu ne kenà sikandin ipekaan dutun.

Daniel 1:8 ပူးပေါင်းရင်းမြစ်များ

1 Hadì 5:5

Umbe, egkeisip ku he ebangun ad te valey te Nengazen he para te kebeǥey kandin te zengeg te Nengazen he Megbevayè ku, sumalà is nekaǥi te Nengazen diyà te amey ku he si David. Iyan heini migkaǥi zin diyà te ki David: ‘Is anak nu he idliwan ku kenikew te kedhadì, iyan ibpevangun ku te valey he para kediey.’

Salmo 106:28

Ne mibpevayàbayà sikandan te ed-ezapen he si Baal ziyà te Buvungan te Peor, ne migkaan sikandan te impemuhat diyà te menge minatey.

Salmo 119:106

Edtumanen ku iyan is penangdù ku he edsunud a te metazeng he menge suǥù nu.

Salmo 119:115

Sikiyu is mezaat is menge vaal, pekeziyui a keniyu, su wey ku metuman is menge suǥù te Megbevayè ku.

Salmo 141:4

Ilikey a te kebpekevaal te mezaat wey te kedtampu te ebeelan te menge lalung. Ilikey a te kebpekivahin te ǥastu zan.

Erubasa 23:3

Kenè ka meima te meupiya he menge keenen he indtangel zin, su kela ke igezam din dà te ulaula nu.

Daniel 1:5

Ne insuǥù pa zutun te hadì he ebeǥayan sikandan kada andew te keenen din wey vinu. Ne emun egketapus en is tetelu he tuig, ne ebpenilbi en sikandan kandin.

Daniel 5:4

Ne zutun te ked-iinum dan te vinu, midalig dan is menge ledawan he ed-ezapen he vulawan, pelata, brunsi, putew, kayu, wey vatu.

Deuteronomio 32:38

Hendei en is menge ed-ezapen dan he egkaan te tavà te menge ibpemuhat dan wey ed-inum te pemuhat dan he vinu? Petavang kew kandan, aput kew ziyà te kandan!