Daniel 1:5 - Manobo Western Bukidnon OT

⁵ Ne insuǥù pa zutun te hadì he ebeǥayan sikandan kada andew te keenen din wey vinu. Ne emun egketapus en is tetelu he tuig, ne ebpenilbi en sikandan kandin.

Daniel 1:5 ပူးပေါင်းရင်းမြစ်များ

Genesis 41:46

Mibpenuiǥen dutun si Jose te 30 zutun te timpu te kedhimuwa kandin he lavew he upisyal te hadì. Ne mid-awà sikandin dutun te etuvangan te hadì ne midhipanew he midtukid din susiya is langun he menge inged diyà te Ehipto.

1 Hadì 10:8

Utew zeyzey is menge sakup nu! Utew zeyzey is menge upisyal nu he ebpenilbi kenikew su lelayun dan egkezineg is ketau nu.

2 Hadì 25:30

Ne kada andew ebeǥayan sikandin duen te hadì te menge kinahanglan din seled te tivuuk he untung din.

2 Cronica 9:7

Utew zeyzey is menge sakup nu! Utew zeyzey is menge upisyal nu he ebpenilbi kenikew su lelayun dan egkezineg is ketau nu.

Erubasa 23:3

Kenè ka meima te meupiya he menge keenen he indtangel zin, su kela ke igezam din dà te ulaula nu.

Jeremias 15:19

Umbe, migkaǥi is Nengazen kayi te kedì te, “Emun ed-iniyuǥan nu is salè nu, ibpelikù ku sikew kayi te kedì su wey ka mekepedayun he ebpenilbi kedì. Emun egkaǥi ka te menge lalag he zuen din pulus ne kenà menge lalag he wazè din pulus, edhimuwen ku sikew he perekaǥi ku. Kinahanglan he iyan sikandan ebpekezangep diyà te kenikew, ne kenè ka iyan ebpekezangep diyà te kandan.

Daniel 1:19

Ne mibpekidlalag kandan haazà is hadì, ne naahà dutun te hadì he langun kandan te menge vetan-en ne wazà ebpekeiring engki Daniel, Hanania, Mishael, wey Azaria. Umbe iyan sikandan mibpilì he ebpenilbi kandin.

Daniel 1:8

Piru midisisyun si Daniel he kenà sikandin egkaan te keenen te hadì wey kenà ed-inum te inumen te hadì, su para kenà sikandin meremeriki. Umbe midhangyù sikandin diyà te ki Ashpenaz he emun egkehimu ne kenà sikandin ipekaan dutun.

1 Samuel 16:22

Ne mibpeuwitan ni Saul si Jesse te lalag he edhenduen te, “Tuǥuti nu si David he ebpedayun he ebpenilbi kedì.”