Daniel 1:3 - Manobo Western Bukidnon OT

³ Ne zutun, midsuǥù ni Nebucadnezar si Ashpenaz he pengulu te menge upisyal zin he mebpilì te egkepipira he menge vetan-en duen te menge vihag he menge Israilihanen. Heini he menge vetan-en kinahanglan he ebpuun diyà te lavew wey meupiya is dengeg he menge pemilya.

Daniel 1:3 ပူးပေါင်းရင်းမြစ်များ

2 Hadì 24:15

Mibihag ni Nebucadnezar si Jehoyakin ne mid-uwit din diyà te Babilonia, ragkes en is iney zin, menge esawa zin, menge upisyal wey dungganen he menge etew ziyà te Juda.

Isaias 39:6

Egkeuma is timpu he ed-uwiten diyà te Babilonia is langun he menge azen diyà te turuǥan nu, sikan is langun he netiǥum te menge kepuun nu he menge azen he kemulu pa taman en guntaan. Ne wazà egkesamà, migkaǥi is Nengazen.

Isaias 39:7

Ne is duma te huziyan he menge kevuwazan nu, ebihaǥen ne egkehimu sikandan he menge suluǥuen diyà te turuǥan te hadì te Babilonia.”

Jeremias 41:1

Heini si Ishmael anak ni Netania wey apù ni Elishama. Nesakup sikandin te lavew he pemilya ne sevaha sikandin duen te menge upisyal te hadì dutun te nehuna he timpu. Ne hein ikepitu he vulan dutun he tuig, midhendiyà si Ishmael te ki Gedalia diyà te Mizpa duma te sepulù he etew. Ne zutun te egkaan sikandan,

Deuteronomio 28:41

Ebpenganak kew piru kenà haazà edtinir ziyà te keniyu su ebihaǥen sikandan.