Daniel 1:20 - Manobo Western Bukidnon OT

²⁰ Dutun te langun he in-insà te hadì diyà te kandan, netuenan din he sepulù he takep is kedlavew te ketau zan te ketau te menge selemengkiru wey menge veyilan seled te tivuuk he ginhedian din.

Daniel 1:20 ပူးပေါင်းရင်းမြစ်များ

Genesis 31:7

piru midterteruan e zin pa. Kesepulù din en helina is paaǥi zin te kedsuhuli kedì. Piru wazà ituǥut te Nengazen he mezaagdaag e zin.

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

Nehemias 4:12

Is menge Judio he meǥinged diyà te uvey zutun te menge kuntada zey, layun key zan edtudtuli mehitenged te pelanu zutun he menge etew te kedsurung kenami.

Job 19:3

Kepipira ad keniyu insultuwi. Wazè kew meeled is edezaat kedì.

Salmo 119:99

Mahabet pa is kedì he nesavut, kenà te menge menunudlù ku, su is menge penurù nu iyan ebpurungan ku ed-is-isipa.

Exodus 7:22

Piru is Ehiptohanen he menge selemengkiru nekehimu zaan sikandan te iring dutun pinaaǥi te kegkeselemengkiru zan, ne haazà is neulaula wazà med-uteng diyà te ǥehinawa te hadì, ne wazà sikandin mebpemineg ki Moises wey ki Aaron, su iyan haazà migkaǥi te Nengazen.

Exodus 8:19

Ne migkaǥi sikan is menge selemengkiru ziyà te hadì te, “Baal heini te Megbevayà!” Piru mezesen gihapun is gehinawa zuen te hadì, ne wazà sikandin mebpezumazuma ki Moises wey ki Aaron, su iyan heini migkaǥi te Nengazen.

Exodus 8:7

Ne sikan is menge selemengkiru nehimu zan daan is iring dutun su ingkepeǥaun dan daan is menge vakbak puun te menge wahig diyà te Ehipto.

Isaias 19:3

Egkaawà is kevurut te menge Ehiptohanen, ne edhimuwen ku he meliveg sikandan is ebpelanu. Edangep dan diyà te menge ed-ezapen dan, diyà te menge ǥimukud te nemematey en, diyà te menge veyilan, wey menge etew he edsarig te menge mulin-ulin.

Ezekiel 28:3

Egkeisip nu he edhuna ke pa he metau ki Daniel, ne wazà id-eles he kenè nu egketuenan.

Daniel 1:17

Mibeǥayan te Megbevayà heini is heepat he vetan-en te ketau lavew en diyà te nekedseselekawà he menge velesahan wey menge ketudluanan. Ne gawas kayi mibeǥayan din si Daniel te ketau wey zin ikeseysey is kehuluǥan te menge egkengelewasan wey menge teǥeinep.

Daniel 2:13

Hein kedsuǥua zutun te midsuǥù he ebpenhimetayan is menge uluwanen, duen nen-ahà ki Daniel wey zuen te menge zuma zin su wey mehimetayi zaan sikandan.

Daniel 2:21

Iyan sikandin ebpedliliwà te egkengehitavù diyà te menge timpu. Iyan sikandin ebayàbayà ke hentei is egkahadì wey ke hentei is egkaawà te kedhadì. Iyan sikandin mibeǥey te ketau ziyà te uluwanen.

Daniel 5:17

Midtavak si Daniel te, “Wazà a medtinguhà keniyan he menge gasa, Mahal he Hadì, egkehimu ke ziyè nu ibeǥey te zuma. Piru ebesahan ku ǥihapun kenikew is ingkesurat keniyan te elavat wey idseysey ku is kehuluǥan din.

Numero 14:22

wazà minsan sevaha kandan he ebpekeseled diyà te tanà he insaad ku ziyà te menge kepuun dan. Su minsan neehè dan is mekeǥeǥehem he kebpekiduma ku kandan wey egkengein-inuwan he mibeelan ku ziyà te Ehipto wey ziyà te sibsivayan, layun e zan gihapun egezami wey wazè dan mebpezumazuma kedì. Umbe sikan is menge midselikwey kedì, ne kenà ebpekeseled keniyan he tanà.