Daniel 1:18 - Manobo Western Bukidnon OT

¹⁸ Ne kegkepasad te tetelu he tuig he iyan insuǥù ni Hadì Nebucadnezar, ne mid-uwit sikandan ni Ashpenaz dutun te hadì.

Daniel 1:18 ပူးပေါင်းရင်းမြစ်များ

Daniel 1:17

Mibeǥayan te Megbevayà heini is heepat he vetan-en te ketau lavew en diyà te nekedseselekawà he menge velesahan wey menge ketudluanan. Ne gawas kayi mibeǥayan din si Daniel te ketau wey zin ikeseysey is kehuluǥan te menge egkengelewasan wey menge teǥeinep.

Daniel 1:19

Ne mibpekidlalag kandan haazà is hadì, ne naahà dutun te hadì he langun kandan te menge vetan-en ne wazà ebpekeiring engki Daniel, Hanania, Mishael, wey Azaria. Umbe iyan sikandan mibpilì he ebpenilbi kandin.

Daniel 1:5

Ne insuǥù pa zutun te hadì he ebeǥayan sikandan kada andew te keenen din wey vinu. Ne emun egketapus en is tetelu he tuig, ne ebpenilbi en sikandan kandin.

Daniel 2:16

Ne kegkezineg dutun ni Daniel, midhendiyà sikandin te hadì ne midhangyù he veǥayi sikandin te timpu para ikeseysey zin is kehuluǥan duen te teǥeinep te hadì.