Amos 9:4 - Manobo Western Bukidnon OT

⁴ Minsan bihaǥa pa sikandan te menge kuntada zan, ebpenhimetayan ku ǥihapun sikandan. Su utew a disididu te kedezaat kandan ne kenà kedtavang kandan.’ ”

Amos 9:4 ပူးပေါင်းရင်းမြစ်များ

Genesis 44:21

Ne migkaǥi nu he kinahanglan he edumahan dey sikandin dini wey nu zaan maahà.

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

Salmo 34:17

Ebuyù te tavang diyà te kandin is menge metazeng, ne edtevangan din sikandan. Edlibriyen din sikandan te langun he menge kemereǥenen dan.

Exodus 14:24

Ne hein meǥaan en egkepawà dutun he kezukileman nememantew is Nengazen puun duen te mekepal he ǥapun wey regreg he iring te tukud, mibpantew zin is menge sundaru he Ehiptohanen ne mibpengelintuwan din he mengeliveg sikandan.

Jeremias 12:12

Ebpekeuma ziyà te zemilag he menge vuvungan diyà te disirtu is ebpendezaat te tivuuk he tanà, ne wazà ebpekepelaǥuy te menge etew zutun.

Jeremias 21:10

Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 24:6

Ebentayan ku sikandan wey ed-eturen ku, ne idlikù ku sikandan kayi he tanà. Ibpeuswag ku sikandan ne kenè ku en edezeetan. Edlig-enan ku sikandan ne kenè ku ebpilayen.

Jeremias 39:12

“Etura niw si Jeremias, ne kenè niw menuwa. Iveǥey niw kandin ke hengkey is ebuyuen din.”

Jeremias 39:16

“Hendiyè ka te ki Ebed Melec he tig-Etiopia ne keǥiyi nu sikandin he siak, is Nengazen he Mekeǥeǥehem, he Megbevayà te Israel, migkaǥi te, ‘Edtumanen ku en is migkaǥi ku he ebpekesuǥat kayi he inged. Ibpaaǥi ku is kezeetan ne kenà keupiyaanan. Ne egkeehè nu is kegkehitevua kayi.

Jeremias 44:11

“Umbe siak, is Nengazen he Mekeǥeǥehem, he Megbevayà te Israel, andam e en he edezaat keniyu wey te tivuuk he tig-Juda.

Ezekiel 5:12

Ebehinen ku sikiyu te tetelu he vahin. Is egkehuna he vahin ebpematey keniyan te inged pinaaǥi te vitil wey menge zaru. Is ikezuwa he vahin ebpematey pinaaǥi te ispada ziyà te ǥawas keniyan te inged. Ne is iketelu he vahin ibpeyapat ku kayi te tivuuk he kelibutan ne ibpelaus ku is kedlisliseza ku kandan.

Ezekiel 5:2

Isavuk nu is egkehuna he vahin diyà te brik he midruwingan te Jerusalem, ne vinsuli nu heini ziyà te teliwazà te inged, emun egkepasad nu en te ebpaahà is kedliǥuyi zuen te inged. Isavuk nu is senge vahin diyà te peliǥuy te inged, ne penempeza nu heini zuen te ispada nu. Is bahin he egkesamà ne isimburè nu, su ibpeyapat ku is menge etew ku pinaaǥi te ispada.

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 26:33

Ebpeeǥiyan ku sikiyu te tebek he edezaat te tanè niw ragkes en is menge inged kayi, ne ibpeyapat ku sikiyu ziyà te zuma he menge nasyun, ne egkehimu he mekevulungbulung is tanè niw.

Amos 9:8

Siak, is Nengazen he MEGBEVAYÀ, edtengteng a keniyu te mezaat he ginhedian. Ne edezeetan ku sikiyu taman te egkahanew kew kayi te kelibutan. Piru zuen egkesamà keniyu te menge kevuwazan ni Jacob. Iyan a, is Nengazen, is migkaǥi kayi.

Zacarias 8:10

Hein wazè pa mepuuni is ked-umana kebenguna te valey ku, melised is kebpekesavuk niw ragkes is kepekesavuk te menge uyaǥen niw. Wazà meveyazi is menge etew he edterebahu wey menge uyaǥen he migamit te kedterebahu, wey mekulbà is kedhiphipanew ziyà te minsan hendei su midhimu ku he mekedtetebek is menge etew.