Amos 7:5 - Manobo Western Bukidnon OT

⁵ Ne zutun migkaǥi a te, “Nengazen he MEGBEVAYÀ, edhangyù a ziyà te kenikew he kenè nu heeyan beeli. Egkemenumenu is kegkeuyag-uyag te menge kevuwazan ni Jacob emun egkehitavù heeyan? Meluya zan ne kenè dan ebpekegaga.”

Amos 7:5 ပူးပေါင်းရင်းမြစ်များ

Salmo 85:4

He Megbevayà he menluluwas dey, ilikù nu kayi te kenami is meupiya he kebpekesavuk dey. Iawè nu en is pauk nu kenami.

Isaias 1:9

Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 10:25

Su kenè en egkeuǥet ne egkaawè en is pauk ku keniyu ne ziyè ku maan te kandan ibpaahà is pauk ku taman te ebpemematey sikandan.

Jeremias 30:19

Ne egkanta sikandan te menge peselamat wey ed-ugyab dan tenged te kegkelipey. Ibpemahabet ku sikandan wey ebeǥayan ku te zengeg.

Ezekiel 9:8

Ne zutun te kebpenhimatey zan, netaǥak a is sebsevaha. Midlangkeb a is nengumew te Megbevayà, “He Nengazen he MEGBEVAYÀ, ed-eminen nu ve ebpenhimetayi is nengesamà kayi te Israel tenged te kegkepeuki nu te menge tig-Jerusalem?”

Joel 2:17

Is menge memumuhat he ebpenilbi te Nengazen, medsineǥew sikandan diyà te pid-elangan te pemuhatà wey varkun duen te valey te Nengazen, ne med-ampù dan te iring kayi: “Nengazen, kehizuwi nu is menge etew he ǥaked nu. Kenè nu ituǥut he ebpeel-elezan sikandan wey edsudien te menge etew ziyà te zuma he menge nasyun pinaaǥi te kegkaǥi te, ‘Hendei en be is Megbevayè niw?’ ”

Zacarias 4:10

Duen menge etew he edsawey su ǥeina te zeisey pa is nehimu zuen te kebpehitindeǥa te valey te Nengazen. Piru edlipey zed sikandan emun egkeehè dan en he ibpelastar en ni Zerubabel zuen te valey te Nengazen is ketepusan he pinilì he vatu. Ne migkaǥi kayi te kedì sikan is belinsuǥuen te, “Iyan ibpesavut keniyan te pitu he sulù is menge mata te Nengazen he edtengteng diyà te tivuuk he kelibutan.”

Numero 14:19

Tenged te zekelà he gaǥew nu, edhangyù a he peseyluwa nu is salà kayi te menge etew iring te kebpeseyluwa nu kandan puun pa te kegawas dan diyà te Ehipto.”