Amos 7:1 - Manobo Western Bukidnon OT

¹ Iyan heini impaahà te Nengazen he MEGBEVAYÀ kedì: Neehè ku he edtiǥum is Nengazen te utew mahabet he terapan dutun te ingkeveǥey en diyà te hadì is kandin he vahin puun te nehuna he neraǥun dutun te ebpuun en is ikezuwa he kedraǥun.

Amos 7:1 ပူးပေါင်းရင်းမြစ်များ

Isaias 33:4

Edtevanen is menge azen dan; egkeiring sikandan te pinemula he midterapan.

Jeremias 24:1

Duen impelewasan kedì te Nengazen hein mibihag en ni Hadì Nebucadnezar he hadì te Babilonia si Hadì Jehoyakin he hadì te Juda, he anak ni Jehoyakim. Mid-uwit si Jehoyakin diyà te Babilonia ragkes is menge upisyal zin wey is memetau he menge pandey wey menge terebahanti. Hein neipus heini he hitavù ne zuen impelewasan te Nengazen kedì. Dutun te nelewasan ku neehè ku is dezuwa he vaskit he veǥas te higus he ziyà te egkesineruwan duen te valey te Nengazen.

Ezekiel 11:25

Ne midtudtulan ku is menge vinihag te langun he impaahà te Nengazen kedì.

Joel 1:4

Duen ebpekedtitinundug he menge grupu te menge terapan he ebpendezaat. Is egkesamà he menge pinemula he kenà egkekaan duen te egkehuna he grupu ne egkeenen en maan te ebpeketinundug he grupu taman te egkaamin is menge pinemula.

Joel 2:25

Su migkaǥi is Nengazen te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.

Amos 4:9

“Kemahabet ku en dezeeti is menge pemuleey niw pinaaǥi te meinit he keramag wey menge erat. Mid-etaki te terapan is menge kayu niw he higus wey ulibu. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Amos 7:4

Heini pa is impaahà kedì te Nengazen he MEGBEVAYÀ: Neehè ku he ebpengandam is Nengazen he MEGBEVAYÀ te kedsilut te menge etew zin pinaaǥi te hapuy. Ne impememaza te hapuy is ebpuunan te wahig diyà te zizalem te tanà, ne midtutung kayi is langun he netaǥù te tanà he Israel.

Amos 7:7

Heini pa is impaahà te Nengazen he MEGBEVAYÀ kediey: Neehè ku is Nengazen he edhithitindeg diyà te uvey te verengbeng ne zuen din egewezan he tuntun he migamit te kedsukuza zuen te verengbeng ke metandang be is kegkeveeli kayi etawa kenà.

Amos 8:1

Iyan heini impaahà te Nengazen he MEGBEVAYÀ kediey: Neehè ku is revan he zuen din taǥù he nelutuan he menge prutas.

Zacarias 1:20

Ne zuen heepat he pandey he impaahà kedì te Nengazen.

Malakias 3:11

Kenè ku idtuǥut he dezeeti te ebpekezezaat te pinemula is menge pinemula niw, is menge paras niw ziyà te menge pemuleey niw ne kenà egkengerapi is beǥas dan, migkaǥi is Nengazen he Mekeǥeǥehem.