Amos 5:7 - Manobo Western Bukidnon OT

⁷ Ne mekehizuhizu kew! Is meupiya wey hustu he kukuman, midhimu niw he mezaat ne wazè niw veliya is metazeng.”

Amos 5:7 ပူးပေါင်းရင်းမြစ်များ

Salmo 125:5

Piru siluti nu zuma te menge lalung is menge etew nu he edsunud te mezaat he vetasan. Berakat he meupiya is kebpekesavuk te menge etew te Israel!

Salmo 36:3

Mezaat wey tarù is menge lalag din, ne kenè din en ed-ul-ulahan is hustu wey meupiya.

Erubasa 21:7

Pinaaǥi te kebebagis te etew he lalung, egketipu sikandin su kenè man sikandin egkesuat he ed-ulaula te hustu.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Isaias 10:1

Mekehizuhizu kew is ebaal te kenè hustu he menge kesuǥuan he nenlupiglupig te menge pubri he emurè ku te inged, wey mibpekewazà te ketenged dan wey wazà medtuman te hustu he kukuman para kandan. Pinaaǥi kayi he menge kesuǥuan egkuwaan niw is azen te menge valu he vahi wey menge ilu.

Isaias 46:12

Pemineg kew kediey, is utew menge mesinupaken. Kenè kew ebpekaangken te metazeng he kezeeǥan.

Isaias 5:20

Mekehizuhizu kew is iyan niw ed-isipen he mezaat is meupiya, ne is meupiya ne iyan niw ed-isipen he mezaat. Is kerusireman ne iyan niw egngezanan he kerayag, ne is kerayag iyan niw egngezanan he kerusireman. Is mepait edhimuwen niw he meemis ne is meemis edhimuwen niw he mepait.

Isaias 5:7

Is pemuleey te Nengazen he Mekeǥeǥehem he mid-elimahan din wey igkelipey zin, iyan is menge etew ziyà te Israel wey Juda. Edtaǥad sikandin he tumana zan is hustu he kukuman, piru nasì dan mebpenhimatey. Edtaǥad sikandin he veeli zan is metazeng, piru nasì dan mebpendaagdaag.

Ezekiel 18:24

“Piru emun ed-engked he edtinazeng is etew he metazeng ne ebpengungubpaan duma is kebaal te salà wey kebaal te utew mezaat he menge vaal he ebeelan te lalung he menge etew, ebpedayun be is kegkeuyag-uyag din? Kenà! Su edlipatan is langun he metazeng he menge vaal zin. Ne tenged te kedluib din kedì wey te menge salà he neveelan din, ebpatey sikandin.

Ezekiel 3:20

Emun ed-engked he edtinazeng is metazeng he etew su ebaal te salà, ne emun ebey-anan ku en sikandin, ebpatey sikandin. Emun wazè nu sikandin petizeeni, ebpatey sikandin tenged te salè din, ne kenè ku en edtentenuzan is meupiya he menge vaal zin. Piru edsukutan ku sikew tenged te kemetayen din.

Ezekiel 33:18

Emun ed-engked he edtinazeng is metazeng he etew su ebaal en sikandin te mezaat. Ebpatey sikandin.

Hoseas 10:4

Edtulung dà sikandan egkaǥi piru wazè dan egkehimu. Ebpenangdù dan te tarù wey ebpekid-uyun dan he kenè dan edtumanen. Umbe is kukuman, neiring en te edhilu he sagbet he midtuvù diyà te vevesukà.

Amos 2:3

Elin ebpatey is hadì dan wey is langun he menge upisyal zin. Iyan a, is Nengazen, is migkaǥi kayi.”

Amos 3:10

Su iyan heini kes migkaǥi te Nengazen he MEGBEVAYÀ he ebpekesuǥat te Samaria: “Kenè dan metau he edtinazeng, ne is melig-en he menge vahin te inged dan, nepenù te menge azen he tinakew wey tinavan. Umbe edsurungen sikandan te menge kuntada zan ne ebpemengkaǥen is menge pengalang dan. Egkuwaan te menge kuntada is menge azen diyà te melig-en he menge vahin te inged dan.”

Amos 6:12

Ebpekepelelaǥuy ve is menge kudà diyà te vetuwen he kelendiǥan? Igkeeradu ve ziyà te zaǥat is baka? Simpri kenà. Piru is kukuman midhimu niw he ebpekezezaat te etew, ne is metazeng midhimu niw he mezaat.

Micas 3:9

“Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.

Habakuk 1:4

Umbe, nehimu he wazè en pulus te kesuǥuan; wazè en ul-ulaha is hustu he kukuman su is menge etew he nekesalà, ne iyan ebpekezaag diyà te hukmanan ne kenà iyan is wazà mekesalà. Umbe nevulegkù en is hustu he kukuman.”

Zefanias 1:6

Edezeetan ku is menge mid-iniyug kedì wey is menge wazà medangep kayi te kedì.

Deuteronomio 29:18

Sigureduwa niw he wazà diyà te keniyu maama, bahi, pemilya, etawa tribu he ed-iniyug te Nengazen he Megbevayè tew, ne ed-azap te menge ed-ezapen te menge etew zutun he menge nasyun, para wazà minsan sevaha keniyu he egkeiring te zalid he edtuvù he mepait wey edhilu.