Amos 5:6 - Manobo Western Bukidnon OT

⁶ Sikiyu is menge kevuwazan ni Jose, dangep kew kayi te kediey su wey kew meuyag-uyag. Su emun kenà, ne edsurungen ku sikiyu he iring a te hapuy. Umbe egkezeetan is Betel ne wazè en ebpekeeǥen kayi.

Amos 5:6 ပူးပေါင်းရင်းမြစ်များ

2 Samuel 19:20

Mid-angken ku he nekesalà a, Mahal he Hadì. Umbe mibpetelihuna a te kedhendini te zuma he menge tribu ziyà te tribu ni Jose para te kedsinuǥung kenikew.”

1 Hadì 11:28

Ne heini si Jeroboam mevurut he etew, ne hein naahà ni Solomon is keǥied kayi he etew, ne impezumala zin te langun he menge etew he mibpeǥes din te kedterebahu he ebpuun diyà te tribu ni Efraim wey ni Manase.

2 Cronica 34:25

Ibpeehè ku is pauk ku kayi he lugar ne kenà heini egkeengked, su inselikwey a te menge etew ku; su midtutung dan te veyewà su mid-azap dan te zuma he menge ed-ezapen. Midhimu zan he mepauk a pinaaǥi te menge ulaula zan.

Salmo 27:8

Neǥezam ku kayi te ǥehinawa ku he ibpezangep a kenikew ziyan te kenikew, umbe kenà duwazuwa is kedangep ku ziyan te kenikew, Nengazen.

Salmo 69:33

Ebpemineǥen te Nengazen is menge egkaayuayu, ne kenè din egkelipatan is menge etew zin he mibihag.

Exodus 22:6

“Emun egketuvù is hapuy he edelandap diyà te meribpesen ne ebpekevinsul te menge inemung etawa wazè pa meǥarab, emun kenà ne sengeereduwan en, ne kinahanglan he ibpevayad sikan is midtuvù te hapuy.

Isaias 1:31

Is menge gehemanen diyà te keniyu egkeiring te kayu he neǥangu he melemu zà egkevinsuli, ne is mezaat he menge vaal zan egkeiring te regreg he iyan ebpekevinsul kandan, ne wazà ebpekeevuk keniyan he hapuy.

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Isaias 55:6

Dangep kew ziyà te Nengazen ne umawa niw sikandin mintras wazè pa med-awà sikandin is edtavang keniyu.

Jeremias 38:20

Midtavak si Jeremias te, “Kenè ka ibeǥey ziyà te kandan emun ebpezumdumahan nu is Nengazen. Egkelibri is untung nu ne wazà egkehitavù kenikew.

Jeremias 4:4

Sikiyu is menge etew ziyà te Juda wey Jerusalem, lumpiyuwi niw is gehinawa niw ziyà te etuvangan te Nengazen, su emun kenà, ne egkeǥezaman niw is pauk ku he iring te hapuy he kenà egkeevukan tenged te kezaat te vaal niw.

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Ezekiel 21:3

Keǥiyi nu sikandan he siak, is Nengazen he MEGBEVAYÀ, migkaǥi a te, ‘Ebpekigkuntada a keniyu! Edhulevuten ku is ispada ku ne ebpenhimetayan ku sikiyu is langun, meupiya man etawa lalung he etew.

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Ezekiel 37:19

Ne keǥiyi nu sikandan te, ‘Iyan heini migkaǥi te Nengazen he MEGBEVAYÀ: Ibpedsumpul ku is tinevì he ebpaalung te Israel wey is tinevì he ebpaalung te Juda, ne egkehimu heini he sevaha zà diyà te velad ku.’

Amos 3:14

Dutun te andew te kedsiluti ku te menge tig-Israel tenged te menge salè dan, edweǥayen ku is menge pemuhatà diyà te Betel. Epungelen ku is menge sungeysungey te menge suyuk te pemuhatà ne egkengeulug heini ziyà te tanà.

Amos 5:14

Guntaan, beeli niw is meupiya ne kenà is mezaat su wey kew meuyag-uyag ne ebpekiduma keniyu is Nengazen he Megbevayà he Mekeǥeǥehem sumalà is egkeǥiyen niw he zuma niw sikandin.

Amos 5:4

Umbe, dangep kew kayi te kedì, is menge etew te Israel, su wey kew meuyag-uyag.

Amos 6:6

Kehizu niw te utew vuleǥuk te vinu wey egamit te mahalen he menge pehemut, piru wazà meseeng te edtelinguma he kezeetan te nasyun niw.

Zefanias 2:3

Ne sikiyu is kenà mepelavawen he menge etew kayi te nasyun, he edsunud te menge suǥù te Nengazen, dangep kew ziyà te kandin. Ipedayun niw is kebaal niw te metazeng wey is kenè niw kebpelavew. Su kela ke kenè kew mulà mekeizi zutun he andew te kebpeǥezama te Nengazen te pauk din.”

Zacarias 10:6

“Edlig-enan ku is menge etew te Juda ne edlibriyen ku is menge etew te Israel. Ibpelikù ku sikandan diyà te kandan he lugar su nehizuwan ku sikandan. Wey tenged te iyan a Nengazen he Megbevayè dan, edtevaken ku is menge ked-ampù dan. Umbe iring ded te wazè ku sikandan iselikwey.

Deuteronomio 32:22

Su edriyubriyub is kepauk ku iring te hapuy. Ebpekevinsul heini te tanà wey te langun he abut kayi, wey te zizalem te tanà wey pundasyun te menge vuntud.

Deuteronomio 4:24

Kenà sikandin egkesuat ke zuen selakew en he ed-ezapen niw. Su emun edsilut is Nengazen he Megbevayè niw ne iring sikandin te hapuy he ebpekeepur.

Josue 18:5

Kinahanglan he ebehinen haazà is tanà te pitu he vahin. Kenà idragkes is tanà te tribu ni Juda ziyà te zivavà wey is tanà te menge tribu ni Jose ziyà te zizaya.