Amos 4:1 - Manobo Western Bukidnon OT

¹ Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Amos 4:1 ပူးပေါင်းရင်းမြစ်များ

1 Hadì 16:24

Ne mibpemasa zin diyà te ki Shemer is buvungan diyà te Samaria te 70 he kilu he pelata, ne mibangun sikandin dutun te inged. Ne migngezanan din haazà is inged he Samaria, he ebpuun te ngazan ni Shemer he iyan nehuna he teǥiǥaked dutun te vuvungan.

Job 20:19

Su midaagdaag din is menge pubri wey mibey-anan din is ebpemenlised. Mid-angken din is menge valey he kenà kandin.

Job 24:4

Edèdaaǥen dan is menge pubri, umbe nepeǥes is menge pubri te ked-eles.

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Salmo 140:12

Nengazen, netuenan ku he edlevanan nu is ketenged te menge ayu-ayu; ibeǥey nu kandan is hustu he kukuman.

Salmo 22:12

Edliǥuyan a te menge kuntada ku, iring sikandan te memezesen he tudu he vaka ziyà te tanà he Bashan.

Erubasa 22:7

Is menge egkengaayuayu ne egkeveyveyaan te menge sepian, ne is menge ebpengutang uripen te menge neutangan dan.

Megwewali 4:1

Ne neehè ku is menge kebpenlupig kayi te kelibutan. Neehè ku is menge luhà te menge edèdaaǥen, ne wazà ebpekelangan wey edlig-en kandan. Dekelà is gehem te menge edaagdaag kandan.

Megwewali 5:8

Kenè ka meinuinu emun egkeehè nu ziyà te inged niw he edèdaaǥen is menge pubri, ne kenà ibeǥey kandan is hustu he kukuman wey kenà ebeliyen is ketenged dan. Su haazà is upisyal he edlupiglupig kandan edlevanan te upisyal he lavew kandin, ne heini is dezuwa edlevanan te upisyal he lavew pa kandan.

Isaias 28:1

Mekehizuhizu is Samaria, he henduen be te kuruna he vulak, he ibpegalbu te menge lelenguten he menge pengulu te Israel. Heini he inged diyà mekepelastar te uuzaran he suǥud, piru egkaawà is kekempet din iring te vulak he egkeǥangu.

Isaias 5:8

Mekehizuhizu kew is mibpekezakel te menge valey wey mibpekeluag te tanà taman te wazè en lugar para te zuma, ne iyan kew zà nesamà he ed-ubpà kayi he tanà.

Isaias 56:12

Ke sikandan te, “Hendini kew, su egkuwa kiw te inumen ne ebpelelangut kiw! Iring ded kayi is ed-ul-ulahan tew keeselem, ne edhimuwen tew he edhuna pa he zekelà is egkeinum tew!”

Isaias 58:6

Is kelasi te puasa he egkesuatan ku iyan is puasa he egkezumahan te metazeng he ulaula: Engkezi niw is kebpendaagdaag wey kebpepirisu te menge wazà mekesalà, wey libriya niw is menge edèdaaǥen.

Jeremias 50:11

“Sikiyu is menge etew ziyà te Babilonia mid-eǥawan niw te menge azen is menge etew he ǥaked ku. Midlipey kew wey miguǥusà he iring te mid-elimahan he dumeraǥa he vaka ziyà te penebtavà wey kudà he edherìhì.

Jeremias 50:27

Penhimetayi niw is langun he menge sundaru zan. Lepaa niw he iring te menge turiti he vaka. Mekehizuhizu sikandan su neume en is timpu te kedsiluti kandan.

Jeremias 51:34

Migkaǥi is menge tig-Jerusalem te, “Si Hadì Nebucadnezar he hadì te Babilonia iring te deragun he mid-eveleng kenami. Midhantey zin is getek din te menge ketiǥeyunan dey. Mid-ewaan din is inged dey he wazè din midsamà neiring heini te umuy he wazè din taǥù. Midsegseg key zin ne nekedsusuwey key. Berakat he veeli zaan diyà te Babilonia is mibeelan dan diyà te kenami wey te menge anak dey. Berakat he sukuta ziyà te menge meǥinged diyà te Babilonia is subra he kebpesipelahi zan kenami.”

Jeremias 6:6

Iyan heini migkaǥi te Nengazen he Mekeǥeǥehem: “Penamped kew te menge kayu he egkeǥamit niw te kebengkag te verengbeng te Jerusalem, ne tambù kew te tanà diyà te kilid te verengbeng he iyan egkepemenehikan niw. Heini he inged ereg en he edezeetan, su midelandap en kayi he lugar is kebpendaagdaag.

Jeremias 7:6

Kenè niw en dèdaaǥa is menge langyew, menge ilu, wey menge valu he vahi. Engkezi niw is kedhimatey te wazà mekesalà, wey kenè kew azap te zuma he menge ed-ezapen he ebpekezezaat dà keniyu.

Ezekiel 18:12

Edèdaaǥen din is menge pubri wey is menge egkaayuayu. Tekawen sikandin, wey kenè din id-ulì is insandà te menge nekeutang diyà te kandin. Ed-azap sikandin te zuma he menge ed-ezapen, wey ebaal te utew mezaat he menge vaal.

Ezekiel 22:12

Is duma mibpesuhul te kedhimatey te etew, is duma mibpeutang te utew zekelà is tuvù din, wey is duma midsepian tenged te kedlimbungi zin te zuma he etew. Nelipatan e zan en. Iyan a, is Nengazen he MEGBEVAYÀ, is migkaǥi kayi.

Ezekiel 22:27

Is menge upisyal zan iring te zumezaas he menge asu he ebpitaspitas te egkezawi zan. Edhimatey zan para zà mekeselapì sikandan.

Ezekiel 22:29

Umbe, nenlimbung wey nenakew is menge etew. Edèdaaǥen dan is menge pubri wey menge egkaayuayu, wey is kenà menge Israilihanen he zuma zan he meǥinged. Wazè dan heini veǥayi te hustu he kukuman.

Ezekiel 22:7

Keniyan te lugar nu wazè en tehuza is menge ǥinikanan. Is kenà menge Israilihanen he ed-ubpà diyà te kenikew ebpenepian, ne edèdaaǥen is menge ilu wey menge valu.

Ezekiel 34:16

Ebpen-ahaan ku sikan is nengetazin wey nengetazintazin. Ebukusan ku is menge pelien wey edlig-enan ku is memeluya. Piru edèdeetan ku is memelambù wey memeupiya is kedlelawa. Ebeelan ku ziyà te kandan ke hengkey is hustu he kukuman.

Joel 3:3

Mibahin dan is menge etew ku pinaaǥi te ripa, ne imbelegyè dan he uripen is menge vatà he menge maama wey menge vahi, su ibayad dan is halin te inumen wey menge vahi he ebelegyà te zengeg dan.

Amos 3:1

“Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Amos 3:3

Ebpezumehè be is dezuwa he etew te kedhipanew emun wazè dan mehuna meuyun?

Amos 5:11

Midaagdaag niw is menge pubri ne midteǥel niw he mebeǥey ziyà te keniyu te neraǥun dan. Umbe kenè niw en egkeubpaan is dezekelà he menge valey he mibangun niw, wey kenè kew en ebpekeinum te vinu he ebpuun diyà te impemula niw he menge paras.

Amos 6:1

Kehizu niw te menge pengulu ziyà te Zion wey Samaria, he ebpeeyehey zà he wazà igkeipeng. Mid-isip niw is keugelingen niw he dungganen he menge etew ziyà te lavew he nasyun, ne iyan kew edengepan te menge meǥinged diyà te keniyu.

Amos 6:6

Kehizu niw te utew vuleǥuk te vinu wey egamit te mahalen he menge pehemut, piru wazà meseeng te edtelinguma he kezeetan te nasyun niw.

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”

Numero 21:33

Ne liwas dutun, midhendiyè dan en maan te Bashan. Piru midsurung sikandan ni Hadì Og he hadì te Bashan wey te langun he menge sundaru zin hein diyè dan pa te Edrei.

Deuteronomio 24:14

“Kenè kew mebpemintahà te pubri he terebahanti, Israilihanen man sikandin etawa kenà Israilihanen he meǥinged diyà te inged niw.

Deuteronomio 28:33

Is menge etew he wazè niw mekilala ne iyan ebpekekaan te langun he hineǥuan niw, ne layun kew edluplupiǥa wey ibpaantus.