Amos 3:7 - Manobo Western Bukidnon OT

⁷ Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Amos 3:7 ပူးပေါင်းရင်းမြစ်များ

Genesis 18:17

Ne migkaǥi is Nengazen diyà te ǥehinawa zin te, “Kenè ku id-eles ki Abraham is ebeelan ku.

Genesis 6:13

ne migkaǥi sikandin diyà te ki Noe te, “Neisip ku en he edlimasen ku is tivuuk he menusiyà. Su tenged kandan, nekeeneb te kelibutan is kelelalung, ne tenged dutun id-awè ku sikandan dini te tanà.

2 Hadì 22:13

“Insai niw is Nengazen para kedì wey para te menge etew kayi te Juda vahin kayi te ingkesurat kayi te libru he naahà. Dekelà is pauk te Nengazen kenitew su wazà medtuman is menge kepuun tew te ingkesurat kayi te libru, he ibpetuman daan kenitew.”

2 Hadì 22:20

mintras uuyag ke pa, kenè ku ebpeeǥiyan te kezeetan heini he lugar. Ebpatey ka he melinawen, ne ed-uwiten ku sikew ziyà te zivaluy he untung.” Ne migkeǥiyan dan sikan is hadì te tavak ni Hulda.

2 Hadì 6:12

Migkaǥi is sevaha zuen te menge upisyal zin te, “Wazà minsan sevaha kenami, Mahal he Hadì. Si Elisha is tig-Israel he ebpeneuven, iyan migkaǥi ziyà te hadì te Israel te langun he egkeǥiyen nu minsan is diyè nu keǥiya te ruǥu nu.”

Salmo 25:14

Nengazen, utew nu emiǥu is menge etew he edtahud kenikew ne ibpetentenuzan nu kandan is kebpekid-uyun nu kandan.

Isaias 18:4

Su iyan heini migkaǥi te Nengazen kayi te kediey: “Ke hendei a ebpinuu ne edtengteng a puun dutun he melinawen. Iring te kedsilà te andew emun meudtu wey kegkepurma te zehemug dutun te meǥenew he kezukileman emun tiraǥun.”

Jeremias 23:22

Emun pezem netuenan dan ke hengkey is diyà te isip ku, midtudtul zan en pezem is menge lalag ku ziyà te menge etew ku, su para meengkezi zan is mezaat he menge vetasan dan wey menge vaal zan.

Ezekiel 29:21

“He Ezekiel, diyà te timpu te kegkeul-ulaha kayi, ed-umanan ku ed-enawa is Israel, ne egketuenan te menge Israilihanen he tutuu ves iyan is mibpengaǥi nu. Ne zutun egketuenan dan he iyan a Nengazen.”

Daniel 10:21

Midhengkayi a su wey ku ikeseysey ziyà te kenikew is ingkesurat diyà te Libru he Midsuratan te Tutuu. Dutun te kebpekidtebek ku, ne wazà duma he nekeuǥup kedì, kekenà, iyan dà si Micael he pengulu te Israel.

Daniel 11:2

“Guntaan, idseysey ku en diyà te kenikew is tutuu: Duen tetelu pa he hadì he edhadì te Persia. Ne zuen ikeepat he hadì he ebpeketinundug kandan te tetelu ne edhuna pa heini he sepian kandan, ne pinaaǥi te ketiǥeyunan din, egkehimu sikandin he mekeǥeǥehem, ne edhinggaten din is duma he menge ginhedian te kebpekidtebek te ginhedian te Grecia.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

1 Samuel 9:15

Dutun te midlavey en he andew migkeǥiyan te Nengazen si Samuel te wazè pa mekeuma si Saul. Ke sikandin te,