Amos 2:5 - Manobo Western Bukidnon OT

⁵ Umbe, ebinsulan ku is Juda ragkes is melig-en he menge vahin te Jerusalem.”

Amos 2:5 ပူးပေါင်းရင်းမြစ်များ

2 Hadì 25:9

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

Jeremias 17:27

Iyan, emun kenè kew edsunud kediey su kenè niw ed-isipen he segradu he andew is Andew te Kedhimeley, kekenà, ed-uwit kew te menge velegyè niw ziyà te menge pultahan te Jerusalem dutun he andew, ebinsulan ku is menge pultahan te Jerusalem ragkes is melig-en he menge vahin kayi he inged, ne wazà ebpekeevuk kayi he hapuy.’ ”

Jeremias 21:10

Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 39:8

Ne elin daan nehitavù is, mibinsulan te menge tig-Babilonia is menge valey ziyà te Jerusalem ragkes en is turuǥan te hadì, ne mibpemengkag dan is menge verengbeng.

Jeremias 52:13

Mibinsulan din is baley te Nengazen, is turuǥan, is langun he menge valey ziyà te Jerusalem, wey is langun he impurtanti he menge bilding.

Hoseas 8:14

Midlipatan te menge tig-Israel is midlimbag kandan. Sikandan wey is menge tig-Juda mibangun te menge turuǥan wey mahabet he menge inged he midliǥuy te verengbeng. Piru ebinsulan ku is menge inged dan wey is menge melig-en he menge vahin kayi.”

Amos 1:4

Umbe, ebinsulan ku is turuǥan ni hadì Hazael wey is melig-en he menge vahin te Damascus he mibpeveelan te anak din he si Ben Hadad.

Amos 3:15

Edrundusen ku is menge valey zan he para te timpu te meǥenew wey menge valey he para te timpu te meinit. Edrundusen ku zaan is mahalen he menge valey zan. Umbe mahabet is menge valey zan he egkengerundus. Iyan a, is Nengazen, is migkaǥi kayi.”

Amos 7:4

Heini pa is impaahà kedì te Nengazen he MEGBEVAYÀ: Neehè ku he ebpengandam is Nengazen he MEGBEVAYÀ te kedsilut te menge etew zin pinaaǥi te hapuy. Ne impememaza te hapuy is ebpuunan te wahig diyà te zizalem te tanà, ne midtutung kayi is langun he netaǥù te tanà he Israel.