Amos 2:1 - Manobo Western Bukidnon OT

¹ Iyan heini migkaǥi te Nengazen mehitenged te Moab: “Tenged te kedtulung kebaal te salà te menge tig-Moab, edsilutan ku sikandan. Su mibinsulan dan is menge tulan te hadì te Edom taman te neigmuk heini.

Amos 2:1 ပူးပေါင်းရင်းမြစ်များ

2 Hadì 3:9

Umbe, mibpezumahà haazà is hadì te Israel wey hadì te Juda, ne miduma zaan kandan is hadì te Edom. Ne hein pitu en he andew is kedhipanew zan, neeminan te wahig is menge sundaru wey is menge uyaǥen dan.

Erubasa 15:3

Egkaahà te Nengazen is minsan hendei. Egkeehè din is ed-ul-ulahan te minsan hentei, metazeng etawa lalung.

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 16:6

Nezineg dey is kegkegelbuwen te menge tig-Moab. Menge gelbuwen sikandan wey menge mepelevawen, iyan, wazè en kayi pulus.

Isaias 25:10

Benar iyan, edtevangan te Nengazen is menge etew ziyà te Buvungan he Zion, ne edsilutan din mulà is menge tig-Moab. Edtekutakan din sikandan iring te kedtekutaki te reǥami ne ebpesegdanen en he meredak.

Jeremias 25:21

Edom, Moab, Ammon,

Amos 1:11

Iyan heini migkaǥi te Nengazen mehitenged te Edom: “Tenged te kedtulung kebaal te salà te menge tig-Edom, edsilutan ku sikandan. Su mibpendal-as dan is menge kezuzumahi zan he menge Israilihanen ne wazè dan en mehizuwi te ebpenhimatey. Is menge Israilihanen, kenè egkaawà is pauk kandan te menge tig Edom.

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Amos 1:3

Iyan heini migkaǥi te Nengazen mehitenged te Siria: “Tenged te kedtulung kebaal te salà te menge tig-Damascus, edsilutan ku sikandan. Su midsurung dan is menge tig-Gilead he henduen be te midlepiǥis dan te putew.

Amos 1:6

Iyan heini migkaǥi te Nengazen mehitenged te Filistia: “Tenged te kedtulung kebaal te salà te menge tig-Gaza, edsilutan ku sikandan. Su zuen menge inged he mibihag dan is tivuuk he menge meǥinged dutun ne imbelegyà dan he menge uripen diyà te Edom.

Amos 1:9

Iyan heini migkaǥi te Nengazen mehitenged te Tyre: “Tenged te kedtulung kebaal te salà te menge tig-Tyre, edsilutan ku sikandan. Su is langun he meǥinged diyà te menge inged, imbelegyè dan he menge uripen diyà te Edom. Ne wazè dan tumana is neuyunan dan kayi te menge etew he emiǥu zan.

Amos 2:4

Iyan heini migkaǥi te Nengazen mehitenged te Juda: “Tenged te kedtulung kebaal te salà te menge tig-Juda, edsilutan ku sikandan. Su inselikwey zan is menge kesuǥuan ku wey wazè dan tumana is menge sulunuzen. Neketazin kandan is kebpenilbi zan te zuma he menge ed-ezapen he midsilbiyan daan te menge kepuun dan.

Amos 2:6

Iyan heini migkaǥi te Nengazen mehitenged te Israel: “Tenged te kedtulung kebaal te salà te menge tig-Israel, edsilutan ku sikandan. Su imbelegyè dan he menge uripen is menge etew he wazà mekesalà, tenged dà te utang dan. Mibeelan dan heini ziyà te menge pubri minsan nekeutang dà diyà te kandan te senge paris he sandalyas.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”