Amos 1:9 - Manobo Western Bukidnon OT

⁹ Iyan heini migkaǥi te Nengazen mehitenged te Tyre: “Tenged te kedtulung kebaal te salà te menge tig-Tyre, edsilutan ku sikandan. Su is langun he meǥinged diyà te menge inged, imbelegyè dan he menge uripen diyà te Edom. Ne wazè dan tumana is neuyunan dan kayi te menge etew he emiǥu zan.

Amos 1:9 ပူးပေါင်းရင်းမြစ်များ

2 Samuel 5:11

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

Salmo 83:7

menge Gibalnen, menge Amunihanen, menge Amalikanhen, menge Filistihanen, wey menge etew te Tyre.

Jeremias 25:22

Tyre, Sidon, is menge lugar he zehipag te zaǥat,

Jeremias 47:4

Su neume en is timpu he edezeetan is langun he menge Filistihanen duma te menge kezapig dan he ebpuun diyà te Tyre wey Sidon. Edezeetan te Nengazen is menge Filistihanen, is menge etew he ebpuun diyà te isla te Caftor.

Ezekiel 27:1

Migkaǥi is Nengazen kayi te kedì te,

Ezekiel 27:27

Ne egkengelened is langun he mid-untud wey in-untud diyà te kenikew: menge ketiǥeyunan nu, menge velegyè nu, menge terebahanti nu, menge meriniru nu, menge pandey nu, menge nigusyanti wey is langun he menge sundaru nu. Egkengelened heini is langun dutun te andew he egkevengkag ka.

Ezekiel 28:1

Migkaǥi is Nengazen kayi te kedì te,

Ezekiel 28:18

Tenged te mahabet he menge salè nu wey kebpenlimbung nu ziyà te petiǥayun nu, mibpendezeisey nu is menge lugar he zutun ka ed-azap. Umbe ziyà te etuvangan te langun he edtengteng kenikew imperiyubriyub ku is hapuy ziyà te lugar nu ne nevinsulan ka. Nehimu ke zà he avu ziyà te tanà.

Amos 1:11

Iyan heini migkaǥi te Nengazen mehitenged te Edom: “Tenged te kedtulung kebaal te salà te menge tig-Edom, edsilutan ku sikandan. Su mibpendal-as dan is menge kezuzumahi zan he menge Israilihanen ne wazè dan en mehizuwi te ebpenhimatey. Is menge Israilihanen, kenè egkaawà is pauk kandan te menge tig Edom.

Amos 1:6

Iyan heini migkaǥi te Nengazen mehitenged te Filistia: “Tenged te kedtulung kebaal te salà te menge tig-Gaza, edsilutan ku sikandan. Su zuen menge inged he mibihag dan is tivuuk he menge meǥinged dutun ne imbelegyà dan he menge uripen diyà te Edom.

Obadias 1:11

Wazè kew medseǥipà hein timpu te kedsurunga te Jerusalem te ebpemuun diyà te zuma he menge nasyun. Mibey-anan niw en sikandan is ebpenguwa te menge azen diyà te Jerusalem wey ebahin kayi pinaaǥi te ripa. Iring kew zed te menge kuntada te menge Israilihanen.

Zacarias 9:1

Iyan heini menge lalag te Nengazen: Migkaǥi is Nengazen he edsilutan din is menge inged he Hadrac wey Damascus, su kinahanglan he edtengteng wey edangep diyà te Nengazen is langun he menge etew lavew en is menge tribu te Israel.