Amos 1:7 - Manobo Western Bukidnon OT

⁷ Umbe, ebinsulan ku is menge verengbeng diyà te Gaza wey is melig-en he menge vahin kayi he inged.

Amos 1:7 ပူးပေါင်းရင်းမြစ်များ

2 Hadì 18:8

Nezaag din is menge Filistihanen he menge meǥinged diyà te zezeisey wey zezekelà he menge inged he miberengbeng taman te Gaza wey ziyà te menge lugar he sakup kayi.

2 Cronica 26:6

Mibpekidtebek sikandin te menge Filistihanen ne midrundus din is menge verengbeng he nekelingut te inged he Gat, Jabne, wey Ashdod. Ne midtukud sikandin te veǥu he menge inged uvey te Ashdod wey te zuma pa he menge lugar ziyà te Filistia.

Jeremias 47:1

Iyan heini migkaǥi te Nengazen diyà te ki Jeremias he ebpeneuvan mehitenged te Filistia hein wazè pa surunga te hadì te Ehipto is Gaza:

Jeremias 47:5

Is menge tig-Gaza ebpemevangul su ibpeehè dan is kedlalew zan, ne is menge tig-Ashkelon ebpereremek he egkengeseeng. Sikiyu is menge meǥinged diyà te menge suǥud, kenè bes egkeengked is kebpelii niw te lawa niw he tuus te kedlalew?

Ezekiel 30:8

Emun ebinsulan ku en is Ehipto wey ebpematey en is langun he nekidsevaha kayi, egketuenan te menge meǥinged kayi he iyan a Nengazen.

Ezekiel 39:6

Ebinsulan ku is Magog wey is duma zin he menge nasyun he uvey te zaǥat he is menge meǥinged duen nengungubpaan he melinawen. Ne egketuenan dan he iyan a Nengazen.

Amos 1:4

Umbe, ebinsulan ku is turuǥan ni hadì Hazael wey is melig-en he menge vahin te Damascus he mibpeveelan te anak din he si Ben Hadad.

Amos 1:6

Iyan heini migkaǥi te Nengazen mehitenged te Filistia: “Tenged te kedtulung kebaal te salà te menge tig-Gaza, edsilutan ku sikandan. Su zuen menge inged he mibihag dan is tivuuk he menge meǥinged dutun ne imbelegyà dan he menge uripen diyà te Edom.

Amos 1:8

Edezeetan ku is menge pengulu ziyà te Ashdod wey Ashkelon, ne edsilutan ku is menge tig-Ekron. Is menge Filistihanen he ebpekepelaǥuy te silut, ebpematey zaan. Iyan a, is Nengazen he Megbevayà migkaǥi kayi.”

Zefanias 2:4

“Egkaawà is langun he menge meǥinged diyà te Gaza wey Ashkelon. Is menge meǥinged diyà te Ashdod edsegseǥen seled dà te liwazà te andew, ne is menge meǥinged diyà te Ekron edsegseǥen daan puun te inged dan.

Deuteronomio 32:35

Ke sikandin te, “Iyan e en ebales wey edsilut kandan, su egkeuma zed gihapun is netendek he timpu he ebpekezulas sikandan. Hapit en egkeuma is kedezeeti kandan ne kenè en daan heini egkeuǥet.”